نرخی نه‌وت و زێڕ گۆڕانكارییان به‌سه‌ردا هات
وێستگه نیوزـ
نرخی نه‌وتی خاو و زێڕ له بازاڕه‌كانی جیهان گۆڕانكارییان به‌سه‌ردا هات و به‌رزبوونه‌وه، به‌جۆرێك نرخی یه‌ك به‌رمیل نه‌وتی برێنت 75 دۆلاری تێپه‌ڕاند.
ئه‌مڕۆ شه‌ممه 23ی تشرینی دووه‌می 2024، له بازاڕه‌كانی جیهان نرخی یه‌ك به‌رمیل نه‌وتی خاوی برێنت به‌رزبووه‌وه بۆ 75 دۆلار و 17 سه‌نت، له كاتێكدا دوێنێ به 74 دۆلار و 36 سه‌نت فرۆشرا.
هه‌روه‌ها نرخی یه‌ك به‌رمیل نه‌وتی خاوی ئه‌مریكی به‌رزبووه‌وه بۆ 71 دۆلار و 24 سه‌نت، له كاتێكدا دوێنێ به 70 دۆلار و 26 سه‌نت مامه‌ڵه‌ی پێوه‌كرا.
هاوكات ئه‌مڕۆ نرخی یه‌ك ئۆنسه زێڕ له بازاڕه‌كانی جیهاندا به‌رزبووه‌وه بۆ دوو هه‌زار و 715 دۆلار، له‌كاتێكدا رۆژی پێشتر به دوو هه‌زار و 688 دۆلار بوو.
AM:08:12:23/11/2024
ئه‌م بابه‌ته 172
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت