لیستى مووچەى مانگی حهوت بە هاوتاکراوى رەوانەى بەغدا دەکرێت
وێستگهنیوزـ
بڕیارە سەرەتاى هەفتەى داهاتوو لیستى مووچەى فەرمانبەرانى مەدەنى و هێزە ئەمنییەکان و خانەنشینان بە هاوتاکراوى رەوانەى بەغدا بکرێت.
سەرچاوەیەک لە وەزارەتى دارایی و ئابووری ههرێم رایگهیاند: ئەمڕۆ وردبینیکردن لە لیستى مووچەى مانگى حەوتى فەرمانبەران کۆتایی دێت و سەرەتاى هەفتەى داهاتوو رەوانەى بەغدا دەکرێت.
سەرچاوەکە باسی لەوەشکردووە: ناردنى لیستەکە رۆژى شەممە دەبێت و نوێنەرى وەزارەتى دارایی هەرێم لیستەکە بە چاپکراوى دەگەیەنێتە بەغدا و رۆژى یەکشەممە دەگاتە دەست بەڕێوەبەرایەتیی ژمێرکاریی وەزارەتى دارایی عێراق.
ئەو سەرچاوەیەى وەزارەتى دارایی هەرێم بۆ میدیای فهرمی گۆڕان ئەوەشى ئاشکرا کرد کە لیستى مووچەى مانگى حەوتى فەرمانبەران سەرجەم وەزارەتە مەدەنییەکان و هێزە ئەمنییەکان و خانەنیشنان لەخۆدەگرێت بە هاوتاکراوى.
ئهمه لهكاتێكدایه تا ئێستا مووچهی مانگی حوزهیرانی وهزارهتی كارهبا له بهغداوه نهگهیشتووهته ههرێمی كوردستان و پێدهچێت تا سهرهتای ههفتهی داهاتوو وردبینی له لیستی وهزارهتهكه كۆتایی بێت.
AM:11:40:18/07/2024
ئهم بابهته 3852
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت