ئهلمۆنیتهر: پێشبینی دهكرێ ترهمپ هێرش بكاته سهر ئێران
وێستگهنیوز –
رۆژنامهی ئهلمۆنیتۆری ئهمریكی له راپۆرتێكدا بڵاویكردهوه كه سهرچاوه ئهمنییهكانی ئیسرائیل پێشبینی دهكهن دۆناڵد ترهمپ سهرۆكی ئهمریكا هێرش بكاته سهر ئێران و دهڵێن پرسیارهكه ئهوه نییه كه ئایا ترهمپ هێرش دهكات یان نا، بهڵكو كهی و تا چ ئاستێكه.
بهپێی راپۆرتهكهی ئهلمۆنیتهر (Al-Monitor)، ههڵسهنگاندنی دهزگا ئهمنییهكانی ئیسرائیل خۆیان لهم خاڵانهی خوارهوهدا دهبیننهوه:
1.ههڵوێستی ترهمپ: دۆناڵد ترهمپ هۆشداری توندی داوهته سهركردهكانی ئێران كه ئهگهر بهردهوام بن له بهكارهێنانی هێز و سهركوتكردنی خۆپیشاندهران، ئهوا ئهمریكا دهستوهردانی سهربازی دهكات. ترهمپ ڕایگهیاندووه كه "یارمهتی له ڕێگایه” بۆ خۆپیشاندهران.
2.كات و ئاستی هێرشهكه: سهرچاوه ئهمنییهكانی ئیسرائیل پێیانوایه بڕیاری هێرشهكه لای ترهمپ یهكلا بووهتهوه. ئێستا باس لهوه دهكرێت كه ئایا هێرشهكه تهنها بنكه سهربازییهكان دهگرێتهوه، یان دامهزراوه ئهتۆمییهكان و ناوهنده ستراتیژییهكانی تریش دهبنه ئامانج.
3. ئامادهكارییهكانی ئیسرائیل: سوپای ئیسرائیل خراوهته حاڵهتی ئامادهباشی تهواوهوه. ئیسرائیل مهشق و ڕاهێنانی سهربازی ئهنجام دهدات و سیستهمه بهرگرییهكانی چڕ كردووهتهوه، چونكه پێشبینی دهكهن له ئهگهری ههر هێرشێكی ئهمریكا بۆ سهر ئێران، تاران وهك تۆڵهكردنهوه هێرش بكاته سهر ئیسرائیل.
4.كاردانهوهی ئێران: بهرپرسانی ئێران ههڕهشهی ئهوهیان كردووه كه ئهگهر ئهمریكا هێرش بكات، ئهوا ههموو بنكه سهربازییهكانی ئهمریكا له ناوچهكه و ههروهها خاكی ئیسرائیل دهبنه ئامانجی شهرعی ئهوان.
PM:10:43:13/01/2026
ئهم بابهته 816
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت