پاپا گه‌یشته به‌یروت
وێستگه‌نیوز -
ئێواره‌ی ئه‌مڕۆ یه‌كشه‌ممه پاپا لیۆی چوارده‌هه‌م پاپای ڤاتیكان گه‌یشته فڕۆكه‌خانه‌ی نێوده‌وڵه‌تی ڕه‌فیق حه‌ریری له به‌یروتی پایته‌ختی لوبنان و بڕیاره سه‌ردانه‌كه‌ی دو رۆژ بخایه‌نێت.
پاپا له فڕۆكه‌خانه‌ی به‌یروت به ئاماده‌بوونی جۆزێف عه‌ون سه‌رۆك كۆمار، نه‌واف سه‌لام سه‌رۆك وه‌زیران و نه‌بی به‌ری سه‌رۆكی په‌رله‌مان و جه‌نه‌ڕاڵ ڕودۆڵف هایكال فه‌رمانده‌ی سوپا، پێشوازییه‌كی فه‌رمی لێكرا.
له سه‌ره‌تای سه‌ردانه‌كه‌یدا بڕیاره پاپا بچێته كۆشكی سه‌رۆكایه‌تی له به‌عبه‌ده و وتارێك پێشكه‌شی به‌رپرسان و دیپلۆماتكاران بكات.
لیۆی چوارده‌هه‌م له سه‌ردانه مێژووییه‌كه‌ی بۆ به‌یروت په‌یامی ئاشتی هه‌ڵگرتووه و سه‌ردانه‌كه‌شی دوو ڕۆژ ده‌خایه‌نێت و له‌و ماوه‌یه‌دا له‌گه‌ڵ ژماره‌یه‌ك له به‌رپرسانی لوبنان كۆده‌بێته‌وه بۆ پشتیوانیكردن له لوبنان له به‌رامبه‌ر ده‌ستدرێژی ئیسرائیلدا.
هاتنی پاپا بۆ لوبنان له توركیاوه، له یه‌كه‌م گه‌شتی ده‌ره‌وه‌ی وڵات له دوای ده‌ستبه‌كاربونی پاپایه، په‌یامێكی هیوایه بۆ ئاشتی و سه‌قامگیری له‌و وڵاته‌دا كه به‌ده‌ست چه‌ندین قه‌یرانه‌وه ده‌ناڵێنێت.
PM:07:41:30/11/2025
ئه‌م بابه‌ته 156
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت