تێكشکانی فڕۆکەیەکی بچووک لە ئاسمانی بەرازیل گیانلەدەستدانی دوو کەسی لێکەوتەوە
وێستگەنیوز_
فڕۆکەیەکی بچووک لە ئاسمانی شارێکی باشووری بەرازیل تێکشکا و لە ئەنجامدا لانی کەم دوو کەس گیانیان لەدەستدا؛ و هۆکاری تێکشکانەکەش تاوەکو ئێستا دیار نییە.
ئەمرۆ هەینی فڕۆکەیەکی بچووک لە ئاسمانی شاری ساوپاوڵۆی باشووری بەرازیل تێکشکا. دوو کەس گیانیان لەدەستدا و شەش کەسیش بریندارن.
جێفەرسن دیسوزا، بەڕێوەبەری پۆلیسی شارەکە رایگەیاند، تیمە فریاگوزارییەکان پێنج کەسیان رزگارکردووە.
بەگوێرەی میدیای وڵاتەکە، فڕۆکەکە جۆری (Beech F90 King Air)ـە و تەرمی دوو کەسەکە بە سووتاوی لەنزیکیەوە دۆزراونەتەوە.
هەروەها، فڕۆکەکە لە شاری ساوپاوڵۆوە بەرەو شاری پۆرتۆ ئەلێگری لە باشووری بەرازیل رۆیشتووە.
PM:08:04:07/02/2025
ئه‌م بابه‌ته 104
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت