ترەمپ: نەوتمان لە عێراق و سعوودیە زیاترە
وێستگەنیوز_
دۆناڵد ترەمپ لە میانی پێشکەشکردنی وتاری سەرکەوتنی لە هەڵبژاردنی ئەمریکا و دووبارە هەڵبژاردنەوەی وەک سەرۆک و بوون بە 47ـەمین سەرۆکی ئەمریکا؛ رایگەیاند: نەوتمان لە عێراق و سعوودیە زیاترە.
بە وتەی ترەمپ، لە کۆی 528 کورسیی کۆمەڵەی هەڵبژاردن، توانیویەتی 315 کورسی بە دەست بهێنێت.
هاوکات: "توانیمان زۆرینەی ئەنجوومەنی نوێنەران و پیران وەربگرینەوە و جارێکی دیکە لە ویلایەتە خۆلەمێشییەکان سەرکەوتنمان بە دەست هێنا".
ناوبراو لە بەشێکی دیکەی قسەکانیدا باسی لە کەرتی وزەی وڵاتەکەی کرد و ڕایگەیاند "لە عێراق، سعوودییە و ئیمارات زیاتر نەوتمان هەیە و پێویستە بە شێوەیەکی زۆر باش مامەڵەی لەگەڵ بکەین".
کاندیدە سەرکەوتووەکەی کۆمارییەکان دووپاتیکردەوە "جەنگەکانی ناوچەکە ڕادەگرم و سوپای وڵاتەکەمان بەهێزتر دەکەم".
AM:11:05:06/11/2024
ئه‌م بابه‌ته 564
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت