موقتەدا سەدر دوو پەیامی گرنگ ئاراستەی حکومەتی عێراق دەکات
وێستگەنیوز_
رێبەری رەوتی سەدر، لە
بارەی پڕۆسەی سەرژمێری لە عێراق رایگەیاند، "پێویستە پڕۆسەی سەرژمێری لە
عێراق دوور بێت لە دەستێوەردانی حزبیی و دەرەکی."
ئەمڕۆ سێشەممە 19ی تشرینی دووەمی 2024، موقتەدا سەدر
رێبەری رەوتی سەدر لە پلاتفۆڕمی ئێکس پەیامێکی بڵاوکردەوەو
رایگەیاند، "پێویستە پڕۆسەی سەرژمێریی لە عێراق بە شێوەیەکی شەفاف و پاک بەڕێوەبچێت
و دووربێت لە دەستوەردانی حزبیی و دەرەکی."
لە لایەکی دیکەشەوە موقتەدا سەدر، داواکاریی دووەمی ئاڕاستەی
حکومەتی عێراق و پەرلەمان کرد، "بە یاسایەک هێنانی سەرجەم کاڵای ئەو وڵاتانە
قەدەغە بکات، کە پاڵپشتی لە دەوڵەتی ئیسرائیل دەکەن."
هاوکات سەدر داوایکردووە لەو یاسایەدا ڕەچاوی ئەوە بکرێت
بەرژەوەندییە ئابوورییەکانی عێراق زیانیانپێنەگات."
PM:04:59:19/11/2024
ئه‌م بابه‌ته 956
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت