هیمداد شاهین: لە هەموو دونیادا ئۆپۆزسیۆن بۆئەوە سیاسەت دەکات دەسەڵات بگرێتە دەست و گۆڕانکاریی دروستبکات

وێستگەنیوز-

وتەبێژی جوڵانەوەی نەوەی نوێ رایدەگەیەنێت، لە هەموو دونیادا ئۆپۆزسیۆن بۆئەوە سیاسەت دەکات دەسەڵات بگرێتە دەست و گۆڕانکاریی دروستبکات، ئاماژە بەوەشدەکات، ئەوەی بۆ ئۆپۆزسیۆن گرنگە جێبەجێکردنی ئەو بەرنامە و بەڵێنانەیە کە بە خەڵکی داوە.

هیمداد شاهین، وتەبێژی جوڵانەوەی نەوەی نوێ رایگەیاند، "لەهەموو دونیادا ئۆپۆزسیۆن بۆئەوە سیاسەت دەکات دەسەڵات بگرێتە دەست و گۆڕانکاریی دروستبکات جا ئەگەر خۆی پێیبکرێت، ئەوە خۆی بەتەنها حکومەت دروستدەکات، ئەگەرنا بە هاوپەیمانێتیی لەگەڵ حزبەکانی تر و دروستکردنی زۆرینە، بێ گوێدانە ئەوەی کە حزبێک یان چەند حزبێک پێشتر لە دەسەڵاتدابوون یان نا".

ئاماژەی بەوەکرد، "ئەوەی بۆ ئۆپۆزسیۆن گرنگە جێبەجێکردنی ئەو بەرنامە و بەڵێنانەیە کە بە خەڵکی داوە، دەیان نمونەی لەم شێوە لە جیهاندا هەیە لە کەنەداوە بگرین تا دەگاتە وڵاتانی ئەوروپا".

PM:12:12:18/02/2026

ئه‌م بابه‌ته 184 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت