هاتنی سەرما نرخی تەماتەی لە بازاڕەکان بەرزکردەوە
وێستگەنیوز-
نرخی تەماتە و بەشێک لە سەوزەکان بەهۆی هاتنی سەرماوە لە بازاڕەکانی هەرێمی کوردستان بەرزبوونەتەوە و بەپێی وتەی نوێنەری کاسبکارانی عەلوەی سلێمانی بێت، بەرزبوونەوەکە کاتییە.
ئەمڕۆ سێشەممە 5ی تشرینی دووەمی 2024، عەتا محەمەد، نوێنەری کاسبکارانی عەلوەی سلێمانی بە وێستگەنیوزی راگەیاند، "بەهۆی گۆڕانی کەشوهەوا و هاتنی وەرزی سەرماوە نرخی سەوزەکان بەگشتی بەرزبوونەتەوە بە تایبەت نرخی تەماتە، بەڵام نرخی میوەکان جێگیرن و بەرزنەبوونەتەوە".
ئاماژەی بەوەشکرد، "نرخی تەماتە لە ئێرانیش گرانە و گومرگیشی لەسەرە، بۆیە نرخەکەی بەرزە و ئەمڕۆ نرخی کیلۆیەک تەماتە لە عەلوە بە 1300 بۆ 1350 دینارە، لە بازاڕەکانیش نرخی کیلۆیەک تەماتە دوو هەزار دینارە".
لەبارەی ئەوەی تاکەی نرخی تەماتە بە بەرزی دەمێنیتەوە عەتا محەمەد وتی، "چەند رۆژێکی دیکە نرخی تەماتە دادەبەزێت و ئەم بەرزبوونەوەیە کاتییە".
AM:08:46:05/11/2024
ئه‌م بابه‌ته 268
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت