كەشوهەوای سبەینێی هەرێمی كوردستان

‌

وێستگە نیوز-
بە پێی پێشبینییەكان كەش و هەوای هەرێمی كوردستان سبەینێ لە نێوان ساماڵ و نیمچە هەوردا دەبێت، سبەی شەویش دەگۆڕێت بۆ نمە باران و بەفر لە چیاكان.

بەرێوەبەرایەتی گشتی کەشناسی و بومەلەرزەزانی هەرێمی کوردستان ڕایگەیاند كە سبەینێ هەرێمی كوردستان بە گشتی نیمچە هەور دەبێت و پاشان شەو لە درەنگدا دەگۆڕێت بۆ هەوری تەواو هەروەها لە هەندێك ناوچە نمە باران دەبارێت و بەشێك لە ناوچە شاخاوییەكانیش بەفریان لێ دەبارێت.

راگەیەندراوەكە لە دوای ئەوە دێت كە لە چەند رۆژی رابردوودا شەپۆلێكی باران و بەفر ناوچەكەی گرتەوە و پێشبینیش دەكرێت لە رۆژانی داهاتوودا شەپۆلێكی هەمان شێوە ناوچەكە بگرێتەوە.

د.ح

AM:10:42:15/01/2020