سه‌رۆك وه‌زیرانی عیراق راگه‌یه‌ندراوێكی له‌سه‌ر روداوه‌كه‌ی گۆڕه‌پانی وه‌سبه بڵاوكرده‌وه
وێستگه نیوزـ
سەرۆك وەزیرانی دەستلەكاركێشاوەی عیراق راگەیەندراوێكی دەربارەی رووداوەكەی گۆڕەپانی وەسبەی بەغدا بڵاوكردەوە كە ئه‌مڕۆ پێشنجه‌ممه رودیاوه و له‌ناو ئاپۆڕه‌ی خه‌ڵكدا كه‌سێك هه‌ڵواسرا.
له راگه‌یه‌ندراوه‌كه‌یدا كه ئه‌مشه‌و پێنجشه‌ممه 12ی كانونی یه‌كه‌می 2019 بڵاویكرده‌وه، عادل عەبدولمەهدی سەرۆك وەزیرانی دەستلەكاركێشاوەی عیراق داوای لە هێزە ئەمنییەكان كرد "گۆڕەپانەكانی خۆپیشاندان بپارێزن و شكۆی دەوڵەت بگێڕنەوە".
عەبدولمەهدی پێی وایه كه روداوی هه‌ڵواسینه‌كه "تاوانكارییە" و جەخت لەو بۆچوونە ده‌كاته‌وه كە باسیان لە بوونی چەند گروپێكی رێكخراو دەكرد كە لە ژێر پەردەی خۆپیشانداندا كوشتار و تۆقاندن و پەكخستنی دەوڵەتیان ئەنجام دەدا.
وتیشی: "روداوەكەی وەسبە دەریدەخات كە ئێستا پێویستە هێزە ئەمنییەكان چەكەكانیان هەڵبگرنەوە و گۆڕەپانەكانی خۆپیشاندان بپارێزن و شكۆی دەوڵەتیش بگێڕنەوە."
به‌وته‌ی سه‌رۆك وه‌زیرانی ده‌ستله‌كاركێشاوه‌ی عیراق له‌دوای روداوەكەی وەسبەوە، هیچ پاساوێك نییە بۆ هیچ پێكهاتەیەكی سیاسیی كە هەژموونی خۆی بسەپێنێت بۆ كۆنترۆڵكردنی گۆڕەپانەكانی خۆپیشاندان و یەكلاییكردنەوەی كێشەكانی لەگەڵ هێزە سیاسییەكانی دیكەدا و تەنها هێزە ئەمنییە فەرمییەكان بەرپرسن لە پاراستنی خۆپیشاندەران.
ئەوەشی حستەڕوو كە هەندێك گروپ دەیانەوێت هێزە ئەمنییەكان دووربخەنەوە و كۆتاییان پێبهێنن بۆ ئەوەی پلانەكانیان جێبەجێ بكەن.
سه‌رله‌به‌یانیی پێنجشه‌ممه 12ی كانونی یه‌كه‌می 2019 خۆپیشاندەران رایانگەیاند كە چەكدارێك لە گۆڕەپانی وەسبەی شاری بەغدا تەقەی لە خۆپیشاندەران كردووە و لایەنی كەم پێنج كەسی كوشتووە، دوای دەستگیركردنی تۆمەتبارەكە و كوشتنی لەلایەن كەسانی نەناسراوەوە، تەرمەكەی لە شەقامێكی بەغدا هەڵواسرا.
PM:08:38:12/12/2019
ئه‌م بابه‌ته 4196
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت