کۆسرەت رەسوڵ داوا دهكات پهیوهندییه بازرگانییهكانی نێوان ئێران و ههرێم فراوان بكرێت
دیمەنێک لە کۆبوونەوەکە
وێستگه نیوز ـ
كۆسرهت رهسول عهلی، جێگری سكرتێری گشتی یهكێتی نیشتمانی كوردستان، داوا له وهزیری دهرهوهی ئێران دهكات پهیوهندییه بازرگانییهكانی نێوان ئێران و ههرێمی كوردستان فراوان بكرێت و رێگاكانی هاتوچۆ باشتر بكرێت.
ئێوارهی ئهمڕۆ سێشهممه، كۆسرهت رهسوڵ، بە ئامادەبوونی ژمارەیەك لە ئەندامانی مەكتەبی سیاسی و سەركردایەتی یهكێتی، پێشوازی لە محەمەد جەواد زەریف وەزیری دەرەوەی ئێران و وەفدی یاوەری كرد.
بهگوێرهی بهیاننامهیهكی نووسینگهكهی، كۆسرەت رەسوڵ عەلی، جێگری سكرتێری گشتی یهكێتی نیشتمانی كوردستان سوپاسی كۆماری ئیسلامی ئێرانی كردووه، كە لە جەنگی بەرەنگاربوونەوەی تیرۆر هاوكاری هەرێمی كوردستان بوون و رۆڵی گرنگیان بینیوە لە هاوكاری پێشمەرگە بۆ تێكشكاندنی داعش و داوای بەردەوامی ئەو هەماهەنگییەی كرد.
لهبهیاننامهكهدا ئهوهش هاتووه، كه هەردوولا گفتوگۆیان لەبارەی پەیوەندییەكانی نێوان كۆماری ئیسلامی ئێران و هەرێمی كوردستان كردووه و جەختیان لە بەردەوامبوون و فراوانتركردنی پەیوەندییەكان كردووهتهوه.
ئاماژهبهوهشكراوه، كه له دیدارهكهدا باس له دۆخی عیراق و كوردستان و پەیوەندییەكانی نێوان هەردوولا تەوەرێكی تری دیدارەكە بوو، هەریەك لەجێگری سكرتێری گشتی و وەزیری دەرەوەی ئێران پاڵپشت و پشتیوانی پەیوەندییەكی تەندروست بوون لەنێوان هەردوولا.
كۆسرەت رەسوڵ له لێدوانێكدا بە میدیاكانی راگەیاند، ئێران وڵاتێكی گرنگە و داوایان لە وەفدی میوان كردووە پەیوەندییە بازرگانییەكانی نێوان ئێران و هەرێمی كوردستان فراوان بكرێ و رێگاكانی هاتوچۆ باشتر بكرێن و پەرە بە پەیوەندییە لەمێژینەكان بدرێت.
محەمەد جەواز زەریف، وهزیری دهرهوهی ئێران، ئهمڕۆ سێشهممه 15ی كانوونی دووهمی 2019، به سهردانێك گهیشته شاری بهغدا و دواتر گهیشته ههرێمی كوردستان.
له سهردانهكهیدا بۆ ههولێر لهگهڵ نێچیرڤان بارزانی، سهرۆك وهزیرانی ههرێم و مهسرور بارزانی، راوێژكاری ئهنجومهنی ئاسایشی ههرێمی كوردستان و كاندید بۆ پۆستی سهرۆكی حكومهتی نوێی ههرێمی كوردستان له لایهن پارتیهوه كۆبووهوه.
دواتر به یاوهری قوباد تاڵهبانی، جێگری سهرۆك وهزیرانی ههرێم گهیشته شاری سلێمانی و له هۆتێل شاری جوان، كۆڕبهندێكی ئابووری له نێوان كۆماری ئیسلامی ئێران و حكومهتی ههرێمی كوردستان سازكرا.
له كۆڕبهندهكهدا ههریهكه له قوباد تاڵەبانی، جێگری سهرۆك وهزیرانی ههرێم و محهمهد جهواد زهریف، وهزیری دهرهوهی ئێران و رێباز حهملان، وهزیری دارایی و ئابووری ههرێم وتاریان پێشكهش كرد.
وەزیری دەرەوەی ئێران لە هەولێر رایگەیاند: "هیچ لایەنێک ناتوانێت سنور بۆ پەیوەندییە بازرگانیەکانی نێوان ئێران و هەرێم دابنێت".
هــ. ر
PM:08:00:15/01/2019
ئهم بابهته 1508
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت