وانەکانی ترەمپ

ڕۆژی 18ی ئابی 2025 کۆبونەوەیەکی نائاسایی لەکۆشکی سپی بەسترا لەنێوان ئەمریکاوئەروپا، کەکۆبونەوەیەکی تەقلیدی پڕۆتۆکۆڵی نەبوو، بەڵکو لەشانۆگەرییەکی سیاسی دەچوو، لەهۆڵێکدا ترەمپ ڕووبەڕوو لەبەرامبەرسەرانی ئەوروپادا وەک مامۆستاوئەوانیش وەک خوێندکار دانیشتبوون، سەرانی فەرەنسا،ئەڵمانیا،بەریتانیا،ئیتاڵیا،هۆڵەندە، فینلەندەودامەزراوەکانی یەکێتی ئەوروپا بەشداربون. تڕەمپ وەک مامۆستاو ئەوانیش وەک قوتابی گوێڕایەڵ دەرکەوتن.ئەم جۆرە دانیشتنە زمانی هاوبەشی ویەکسانی نییە لەنێوان کۆمەڵێک هێزی هاوبەندو هاوشێوە، بەڵکو زمانی هەژمون و زمانی کۆنتڕۆڵەو خوازیارە ئەمریکا وەک مەرجەع نیشان بدات. ئەم جۆرە دیدارە لەشێوەی موحازەرەدا نیشانەی ئەوەیەکەترەمپ دەیەوێ بۆچونەکانی خۆی بسەپێنێ سەبارەت بەپرسگەلی وەک ناتۆو بازرگانی وبەرگری وکۆچ بەتیلنیشان ئەوەی گوت کە من وانەکانی خۆم دەدەم بەئێوەودەبێ باش گوێبگرن.

تڕەمپ کەسایەتیەکی نێرگزی و خودئەڤینەوسەرسامیەکی زۆری بەخۆیی وسەروەت وسامانەکەی هەیەو بەزمانی فرۆید (ئیگۆ) بەسەریدا زاڵە.کەمتر ڕەخنەی قبوڵەو ئەگەر ڕەخنەشی لێگیرا، بەزمانی توندو زبر وەڵامدەداتەوە.

لەم دیدارەدا کۆشکی سپی لەبارەگایەکی فەرمی نەدەچوو، بەڵکو شانۆیەک بوو بۆ نواندنی هێزو دەسەڵاتی ئەمریکا بەسەر ئامادەبواندا.شوێنێک نەبوو بۆ ئاڵو گۆڕی بیروڕاو چونیەکیو هاوبەشی لەپرسە نێودەوڵەتی و هەرێمایەتییەکاندا.

لەفەرەنسا ڕۆژنامەکانی پاریس نوسویانە،ئەوەی ڕویدا کۆبونەوەی لوتکەنەبوو،زیاتر لەدەرسدادان دەچوو، لەبەرلین شرۆڤەکارانی ئەڵمانی دەڵێن:دیدارەکە ملکەچپێکردنێکی بێدەنگ بوو هیچ پەراوێزێکی بۆ هاوبەشی تێدا نەبوو.لەلەندەنیش دەزگاکانی ڕاگەیاندن ئاماژەیان بۆ ئەوەکرد کە لوتکەی واشنتۆن بۆ نیشاندانی هێزو دەسەڵاتی ئەمریکا بووە، بەهەمان شێوە ڕۆژنامەکانی هۆڵەندەو ئیتاڵیا باسیان لە شانۆگەری دەسەڵات کرد.

ئامانجەکانی ئەمریکا

∎دەرخستنی هەژمونی ئەمریکا، ترەمپ ویستی بۆ گەلەکەی دەریبخات کەئەو پیاوێکە دەیەوێت ئەوروپا بخاتە قەبارەی خۆی ودەشیەوێ نەخشەیەکی نوێ بۆ پەیمانی ناتۆ بێنێتە کایەلەسەر بنەمای ئەمریکای سەرکردەو ئەوانی تری پاشکۆ.
∎ناردنی نامەیەک بۆ مۆسکۆ کە یاریەکان لەبەردەستی واشنتۆندان و دەتوانێ ئەوروپا بەئەجێندای ئەمریکا بخاتە ناوگفتوگۆوە
∎ فشارخستنەسەر ئەوروپا بۆ پابەندبونی زیاترلەبواری ئەمنی وداراییدا لەپرسی ئۆکرانیا

∎پیشاندانی یەکڕیزی لەبەرامبەر مۆسکۆدا کەئەوان یەکگرتون لەبەرامبەر هەر هەوڵێک بیەوێ یەکڕیزییان تێکبدات.
∎تاقیکردنەوەی ترامپ، سەبارەت بەوەی کەئاخۆ ترەمپ چەند جددیە لەڕێککەوتن لەگەڵ ڕوسیا، ئایا وازلەئەوروپا دێنێ لەبەرامبەر واقعی تازەدا، یان هاوبەشی دەکات لەگەڵ ئەوروپییەکان لەبڕیاردان دا
∎ویستیان لەشێوازی توڕەییەکانی ترەمپ کەمبکەنەوەو جەخت بکەنەوە لەوەی کەبەرژەوەندی هاوبەشیان هەیە لەبوارەکانی وزەو بازرگانی وکۆچداو نیشانی بدەن کەئەمریکا پێویستی بەئەوروپایە.

ئەوەی لەبیری زیلینسکیدا هەبوو،زامنکردنی ئەمنی بوو بەتایبەت لەماددەی پێنجی پەیمانی ناتۆ،هەروەها ڕێککەوتنی ئاشتی لەگەڵ ڕوسیا لەسەرحسابی وڵاتەکەی نەبێت، هاوکات ناوبراو ویستی ئامادەبونی ئەوروپا گوشارێکی دەستەجەمعی بێت،تاکو ترەمپ ڕێککەوتنامەی تاک لایەنە لەگەڵ پۆتیندا واژۆ نەکات.

PM:10:28:20/08/2025

ئه‌م بابه‌ته 1644 جار خوێنراوه‌ته‌وه‌‌

هەموو وتارەکان کاتێک لە وێستگە نیوز بڵاودەبێتەوە تەنها بیروبۆچونی خاوەنەکانێتی