به‌ڵێ سه‌رۆك بارزانی ڕابه‌رو مه‌رجه‌عه ….
مستەفا قایتەوەنی
وتارێكم
به‌ناو نیشانی(كه‌ركوك له‌نێوان ئێمه و ئه‌وان)له‌ژماره 793 له 15
/7/2024ی ڕۆژنامه‌ی ئازیزی هه‌واڵ به‌سوپاسێكی زۆره‌وه بڵاو
كراوه‌ته‌وه،له‌وتاره‌كه‌مدا وێڕای باسكردنێكی كورتی مێژووی كه‌ركوك و
پرسی كورد و خراپ ئیداره‌دانی ئه‌و پارێزگایه له‌لایه‌ن ئێمه‌ی كوردو
ده‌ست نیشانكردنی هه‌ڵه و كه‌م و كورتیه‌كان.
له‌به‌شێكی دیكه‌ی
ووتاره‌كه‌مدا باسی دیدارێكی (سه‌رۆك مه‌سعود بارزانی) كردبوو له‌گه‌ڵ
پارێزگاری ئه‌وكاته‌ی كه‌ركوك، هه‌روه‌ها باسی گه‌رم و گوڕی په‌یوه‌ندی
نێوان (سه‌رۆك بارزانی و ڕه‌وانشاد سه‌رۆك مام جه‌لال) كردبوو، له‌و
چوارچێوه‌یه‌دا كه‌دێمه سه‌ر باسی (سه‌رۆك بارزانی) نوسیومه ڕابه‌رو
مه‌رجه‌عی گه‌لی كوردستان.
جگه له‌ڕۆژنامه‌ی ئازیزی هه‌واڵ
له‌چه‌ند سایت و پێگه‌یه‌كی دیكه‌ی تۆڕی كۆمه‌ڵایه‌تی مێتا فه‌یسبوك ئه‌م
ووتاره‌یان بڵاو كردۆته‌وه.
به‌داخه‌وه هه‌ندێ خه‌ڵكی ناسراو
نه‌ناسراو له‌ڕێگای نامه‌ی تایبه‌ت و كۆمینت هێرشێكی توندیان كردۆته سه‌ر
ئێمه و به‌كۆیله‌و جاش و ده‌یان ناوناتۆره‌یان لێ ناوم، ته‌نها له‌به‌ر
ئه‌وه‌ی ناوی سه‌رۆك بارزانی وه‌ك ڕابه‌رو مه‌رجه‌عی گه‌لی كوردستان
هێناوه!
ئه‌وه‌ی له‌ڕۆژنامه‌ی ئازیزی هه‌واڵ نوسیبووم یه‌ك دێڕه،
به‌ڵام لێره‌وه دووباره‌ی ده‌كه‌مه‌وه‌و ده‌ڵیم : به‌ڵێ سه‌رۆك مه‌سعود
بارزانی نه‌ك ته‌نها هه‌رێمی كوردستان، به‌ڵكو ڕابه‌رو مه‌رجه‌عی چل ملیۆن
كورده له‌هه‌ر چوار پارچه‌ی كوردستان، ته‌واوی سه‌رۆك و سه‌ركرده‌كانی
جیهان ڕوو له‌باره‌گاكه‌ی جه‌نابیان ده‌كه‌ن بۆ مه‌گه‌ر مه‌رجه‌ع لای ئه‌م
ئێوه چۆنه؟
وێنه‌ی دوو نامه‌ی تایبه‌تی له‌كۆمێنت دانراون
ئه‌وانی تر كه بێ ڕێزی و سوكایه‌تیان كردووه، ده‌رفه‌تی داوای لێبوردنێك
قه‌رزارن هه‌ر نامه‌یه‌كی دیكه‌ی له‌و جۆره‌م بۆ بێت سوكایه‌تی و ناوزڕاندن
بێت به‌پێی مادده‌ی 12ی ده‌ستووری هه‌میشه‌ی كۆماری عێراقی فیدڕاڵی ساڵی
2005 باس له سوكایه‌تی به ڕه‌مزو هێماكانی ووڵات ده‌كات، له ماده 7
وماده 134 به‌پاڵپشت به قانونی ژماره 111ی ساڵی 1969و به‌پێی مادده‌ی
372 یاسای سزادانی عێراقی ئه‌م كه‌سانه ده‌بنه ئه‌نجام ده‌ری تاوان و
ده‌بێت لایه‌نه فه‌رمییه‌كان لێپیچینه‌وه‌ی یاسایان له‌گه‌ڵ بكه‌ن، سه‌رۆك
مه‌سعود بارزانی ڕابه‌رو مه‌رجه‌عی گه‌لی كوردستانه یه‌كێكه له‌ڕه‌مزو
هێماكانی كوردستان و ناوچه‌كه...
لینكی وتاره‌كه‌م له‌ڕۆژنامه‌ی ئازیزی هه‌واڵ لێره‌وه ببینن.
https://drive.google.com/file/d/1togGNYa_jW9WpzOYhym2Auq47mWPtikr/view?usp=sharing
سایتی وێستگە:
https://westganews.net/drejawtar.aspx?NusarID=959&Jmara=8542
سایتی ده‌سه‌ڵاتی چوار
https://www.facebook.com/share/p/Sx9NWBr5MEEc3TNm/?mibextid=WC7FNe
PM:05:35:18/07/2024
ئه‌م بابه‌ته 1332
جار خوێنراوه‌ته‌وه
هەموو وتارەکان کاتێک لە وێستگە نیوز بڵاودەبێتەوە تەنها بیروبۆچونی خاوەنەکانێتی