سکێچەکانی توندوتیژی

II. توندوتیژی بەناوی فەزیلەتەوە

توندوتیژی ڕەمزی ئێسک ناشکێنێت — ناسنامە بنیات دەنێت. پێویستی بە قامچی نییە؛ وشەی هەیە. لەناو ئەو وشەسازییە ئەخلاقییەدا دەژی کە سنووری بوون دیاری دەکات. لە ڕۆژهەڵاتدا تەواوی ناسنامەکان بە زاراوەی وەک شەرم، شەرەف، پاکی، قوربانیدان دەخنکێنرێن.
کارەساتەکە ئەوە نییە کە خەڵک ستەمیان لێدەکرێت — بەڵکو ئەوەیە کە پێیان وایە ستەمەکەیان لە پێناو ئایندەیەکی گەشتردایە.وە کاتێک ئەو باوەڕە دەگوازرێتەوە - وەکو خەوتن، پەند، کتێبی پیرۆز - دەبێتە نەبینراو. ئیتر کەس وەک توندوتیژی نایبینێت. دەبێتە کولتوور، دەبێتە "هی ئێمە”.


III. برینی دەروونشیکاری


گەنجێک تەماحەکەی سەرکوت دەکات، چونکە مەترسی لەسەر وێنەی باوکی دروست دەکات. ژنێکی گەنج زیرەکی خۆی بێدەنگ دەکات، چونکە فێری ئەوە کراوە کە ـ حەیابوون ـ مانەوەیە. وە لەم هەموو بێدەنگیەدا، نائاگایی بەکۆمەڵ دەبێتە زیندانی ڕزگاری.
ئەمە توندوتیژییە نەک بە ساتور — بەڵکو بە چرپە.



IV. توندوتیژی ڕیسایکل کراوە



ئەمە سووڕی شاراوەیە: قوربانی دەبێتە قەشەی نەریت. ئەو دایکەی کە لە خوێندن بێبەش بوو، دەبێتە ئەو دایکەی کە کچەکەی ڕەتدەکاتەوە. ئەو پیاوەی لەسەر گریان لێیدرا، دەبێتە ئەو کەسەی کە گریانی کوڕەکەی بە حەیاچوون دەزانێت.
بەڵام چی ئەگەر بەرخۆدان خیانەت نەبێت — بەڵکو چارەسەرکردن بێت؟ چارەسەرکردنێک کە ئیمکان بۆ چاکسازی و ترمینەیشنێکی نوێی ئازار و توندوتیژی بکاتەوە.


V. بەتاڵکردنەوەی جادووەکە

بەڵکو بیرهێنانەوەیە تا فێربین لە بیری بکەین.

PM:09:55:14/07/2025

ئه‌م بابه‌ته 140 جار خوێنراوه‌ته‌وه‌‌

هەموو وتارەکان کاتێک لە وێستگە نیوز بڵاودەبێتەوە تەنها بیروبۆچونی خاوەنەکانێتی