گوێگرتن نهێنی سەرکەوتن لە سیاسەت و کۆمەڵگادا

‌نەجیبە مەحمود

هەر هێزێکی سیاسی کە ڕەخنە و پێشنیارەکانی خەڵک پشتگوێ بخات و لە ترسەوە هەوڵی پاساو بۆ هەڵەکانی بدات، لە ڕاستیدا لە ڕێبازی ڕاستەقینەی نوێنەرایەتی دوور دەکەوێتەوە. گەل بنەما و پێکهاتەی هەر کۆمەڵگایەکە و دەبێت دەنگی ببیسترێت. ئەگەر حکومەتێک یان هەر لایەنێکی سیاسی لەبری گوێگرتن و وەڵامدانەوە ، بەرگری لەخۆی بکات و پاساو بۆ شکستەکانی خۆی بهێنێتەوە، نەک تەنها متمانەی خەڵک لەدەست دەدات، بەڵکو خۆی بەرەو ئایندەیەکی تاریک و نادیار دەبات. لە دونیای ئەمڕۆدا شەفافیەت و لێپرسینەوە کلیلی سەرکەوتنی هەر هێزێکی سیاسییە و تەنها بە گوێگرتن لە دەنگی خەڵک داهاتوویەکی گەش بەدی دێت.