وەڵامێك بۆ ئەو مەلایەی كە وتی: ئەگەر ئەمە سەركەوتن بێ ئەی كامەیە شكست؟!

هەرچەندە قسەكانی ئەم پیاوە و لێكدانەوەكانی – وەك هەمان خوێندنەوە و لێكدانەوە خورافی و گاڵتە ئامێزەكانی كەسانی تریش – شایەنی ئەوە نەبوون  ، لەسەریان بوەستین و  لەسەریان بنوسین و  كاتی خۆمان بەفیڕۆ بدەین و  وەڵامیان بدەینەوە  ،  چونكە ئێمە پێشتر لەسەر ئەو پرسە بەتێروتەسەلی نوسیومانە و قسەمان کردووەو ڕوونمان كردوەتەوە،  لەلایەكی ترەوە هەموو كەسێكی ژیرو وریا و هۆشیار و بەویژدان ڕاستیەكان وەك ڕۆژی ڕووناك دەزانێ و ئاگادارە و دەیبینێ  ،  بەڵام بەئومێدی ئەوەی ئەم جۆرە كەسانە سنووری خۆیان بزانن و  ، لەپێگەی شیاوی خۆیان تێنەپەڕن و  واز لە شێواندن و تێكەڵ كردن و گەوجاندنی خەڵک بهێنن  ، حەزم كرد وەڵامی پرسیارەكەی ئەو مەلایە بەم چەند دێڕەی خوارەوە بدەمەوە و بڵێم:

مەعلومە هەموو ڕزگارییەك و سەركەوتن و دەستكەوتێكی گەورە باج و قوربانی گەورە و  مێژوویی دەوێ  ، بەڵام بەپێی كۆمەڵێ ئیعتبارات دەكرێ  پێوەرو پێناسەی مرۆڤەكان بۆ هەڵسەنگاندنی (قازانج و زەرەر) یان (شكست و سەركەوتن) جیاواز بێ  ،  كە ئەمەش دەگەڕێتەوە بۆ دوو خاڵ  :

2  -  سروشتی ئامانجە گەورەكان و بەها باڵاكان لە ژیاندا  :  كەسانێك هەن هەموو ئامانجێكیان تەنها خۆی لە خواردن و خواردنەوە و تێربوون و چێژ وەرگرتن و ڕابواردندا  دەبینێتەوە ! لەولاشەوە كۆمەڵە كەسانێكی تر هەن ئاوات و ئامانجەكانیان سنووری خەیاڵ و خۆیان و ئاسمان و زەوی و هەموو دنیای تێپەڕاندووە! چاویان لە جیهانێكی ترە ، دنیایەكی ترە  ، دنیایەک  پڕ بێ لە ئازادیی و گەورەیی و سەربەرزیی و شكۆمەندیی و حەوانەوەی مرۆڤەكان.

PM:10:20:22/01/2025

ئه‌م بابه‌ته 3628 جار خوێنراوه‌ته‌وه‌‌

هەموو وتارەکان کاتێک لە وێستگە نیوز بڵاودەبێتەوە تەنها بیروبۆچونی خاوەنەکانێتی