فڕۆكه‌خانه‌یه‌كی سه‌ربازی "گرنگ"ی سوریا كه‌وته ده‌ستی گروپه چه‌كداره‌كان
وێستگه‌نیوز-
ئه‌مڕۆ شه‌ممه گروپه چه‌كداره سورییه‌كانی نزیك له توركیا به سه‌رۆكایه‌تی دسته‌ی ته‌حریر شام (جه‌بهه‌تولنوسره‌ی پێشوو) فڕۆكه‌خانه‌ی سه‌ربازی ئه‌بو ئه‌لزهور-یان له رۆژهه‌ڵاتی ئیدلب كۆنترۆڵ كرد و خستیانه‌ژێر ده‌سه‌ڵاتی خۆیانه‌وه.
هاوكات ئه‌و گرووپه چه‌كدارانه شارۆچكه‌ی معسه‌رانیان له رۆژهه‌ڵاتی ئیدلب كۆنتڕۆڵ كرد و چونه ناو بنكه‌ی سه‌ربازی روسیا كه رۆژی هه‌ینی هێزه‌كانی روسیا لێی كشانه‌وه.
كاتێكی پێشتری ئه‌مڕۆ شه‌ممه گروپه چه‌كداره سورییه‌كانی نزیك له توركیا به سه‌رۆكایه‌تی دسته‌ی ته‌حریر شام كۆنتڕۆڵكردنی سه‌دا 75ی گه‌ڕه‌كه‌كانی حه‌له‌بیان راگه‌یاند.
گروپه چه‌كداره‌كانی سوریا ئاماژه‌شیان به‌وه‌دا كه حه‌له‌ب له ڕووی كارگێڕییه‌وه ملكه‌چی ئه‌و ده‌وڵه‌ته ده‌بێت كه به "حكومه‌تی رزگاری ناسراوه"، حكومه‌ته‌كه‌ی ئه‌بو محه‌مه‌د جۆلانی سه‌رپه‌رشتیاری جه‌بهه‌تولنوسره-یه كه ئیدلب و لادێكانی به‌ڕێوه‌ده‌بات.
تا ئێستاش گرووپه چه‌كداره‌كان له‌سه‌ر زه‌وی له‌ناو شاری حه‌له‌ب به‌بێ هیچ رووبه‌ڕووبوونه‌وه‌یه‌كی به‌رچاو، پێشڕه‌وی ده‌كه‌ن.
دوای ئه‌وه‌ی گرووپه چه‌كداره‌كان ده‌سه‌ڵاتی خۆیان به‌سه‌ر گه‌ڕه‌كه‌كانی رۆژئاوای شاره‌كاندا سه‌پاند، به‌ره‌و گه‌ڕه‌كه‌كانی ڕۆژهه‌ڵات پێشڕه‌وییان كرد، له گه‌ڕه‌كه‌كانی ڕۆژهه‌ڵاتی شاره‌كه رووبه‌ڕووی پێكدادانی پچڕپچڕ بوونه‌وه.
هاوكات گرووپه چه‌كداره‌كان قه‌ڵای حه‌له‌بی نێوده‌وڵه‌تی-یان كۆنترۆڵ كرد و فڕۆكه‌خانه‌ی حه‌له‌بی نێوده‌وڵه‌تی داخرا و سه‌رجه‌م گه‌شته‌كانیش راگیران.
به‌پێی ئاماره‌كانی رێكخراوی روانگه‌ی سوری بۆ مافه‌كانی مرۆڤ، ژماره‌ی كوژراوانی سه‌ربازی و مه‌ده‌نی له ئۆپه‌راسیۆنه‌كه‌دا كه له 27ی مانگ له لادێكانی ئیدلب و حه‌له‌ب ده‌ستی پێكرد و ماوه‌ی چوار رۆژه به‌رده‌وامه، گه‌یشتووه‌ته ٣٠١ كه‌س.
PM:12:04:30/11/2024
ئه‌م بابه‌ته 1172
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت