تورکیا ژمارەیەك رۆژنامەوان و نوسەری باكوری كوردستان دەستگیردەکات
وێستگەنیوز_
بە گوێرەی هەواڵێک، تورکیا هەڵمەتێکی دەستگیرکردنی دەستپێکردووە و "تەنیا لە ماوەی 24 کاتژمێردا ژمارەیەك رۆژنامەوان و نووسەری باكووری كوردستان دەستگیركران."
ئاژانسی هەواڵی وڵات رایگەیاندووە، لە چوارچێوەی هەڵمەتێكی فراوانی پۆلیسی توركیا تەنیا لەماوەی 24 کاتژمێردا 16 رۆژنامەوان، نووسەر و هونەرمەندی كورد لە باكووری كوردستان دەستگیركران بەبێ ئەوەی هیچ بەڵگەیەكی تۆمەتباربوونیان هەبێت.
ئاشكرایشیكردووە، جگە لەو رۆژنامەوان و نووسەرانە، هاوكات دەیان چالاكوان و ئەندامانی سەر بە پارتە كوردییەكانیش دەستگیركراون.
پارتی یەكسانی و دیموكراسی دەم پارتی و پارتی هەرێمە دیموكراتییەكان- دەبەپە، لە بەیاننامەیەكی هاوبەشدا ناڕەزایەتییان دژی هەڵمەتی دەستگیركردنەكان دەربڕی و رایانگەیاندووە، دەسەڵاتی توركیا بە تایبەت ئەكەپە و مەهەپە بۆ ئەوەی بەر بە رووخانیان بگرن دەستیان بە دەستگیركردنی رۆژنامەنووسان و سیاسەتمەدارانی باكووری كوردستان كردووە.
PM:03:40:27/11/2024
ئه‌م بابه‌ته 192
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت