کۆمسیۆن ژمارەی کاندیدانی هەڵبژاردنی پەرلەمانی کوردستانی ئاشکراکرد
وێستگەنیوز_
کۆمیسیۆنی هەڵبژاردنەکانی عێراق ژمارەی کاندیدانی هەڵبژاردنی پەرلەمانی کوردستان ئاشکرا کرد، کۆی گشتیی کاندیدەکان هەزار و 191 کەسن.
ئەمرۆ چوارشەممە 2ـی تشرینی دووەمی 2024، کۆمیسیۆنی باڵای سەربەخۆی هەڵبژاردنەکانی عێراق رایگەیاند، ژمارەی کاندیدەکانی هەردوو ڕەگەز، بۆ هەڵبژاردنی خولی شەشەمی پەرلەمانی کوردستان، کۆی گشتی هەزار و 191 کاندیدن، لەو ژمارەیەش 823 کەسیان پیاون و 368ـیان ئافرەتن.
کۆی گشتی کاندیدەکان بەپێی پارێزگاکان:
پارێزگای هەولێر: 395 کاندید، 277 پیاو و 118 ئافرەت.
پارێزگای سلێمانی: 516 کاندید، 356 پیاو و 162 ئافرەت.
پارێزگای دهۆک: 226 کاندید، 160 پیاو و 66 ئافرەت.
پارێزگای هەڵەبجە: 54 کاندید، 32 پیاو و 22 ئافرەت.
ئەمە لە کاتێکدایە، ڕۆژی سێشەممە 24ـی ئەیلوولی 2024 کاتژمێر 12ـی شەو، بانگەشەی هەڵبژاردن بۆ خولی شەشەمی پەرلەمانی کوردستان بەشێوەیەکی فەرمی دەستی پێ کرد و بڕیارە لە 20ـی تشرینی یەکەمی ئەمساڵ، بە سەرپەرشتیی کۆمیسیۆنی باڵای سەربەخۆی هەڵبژاردنەکانی عێراق بەڕێوە بچێت.
PM:06:24:02/10/2024
ئه‌م بابه‌ته 368
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت