لە کەرکوک هێرشکرایە سەر سوپای عێراق و کوژراو و بریندار هەیە

وێستگەنیوز-

بەرەبەیانیی ئەمڕۆ چەکدارانی داعش لە سنووری پارێزگای کەرکوک هێرشیان کردووەتە سەر سوپای عێراق و لە ئەنجامدا چوار سەربازی عێراقی کوژراون.

سەرچاوەیەکی ئەمنی لە پارێزگای کەرکوک بە وێستگەنیوزی راگەیاند، "'بەرەبەیانیی ئەمڕۆ چوارشەممە 2ی تشرینی یەکەمی 2024، لە گوندی زغێتونی سەر بە ناحیەی رەشادی باشووری کەرکوک چەکدارانی داعش هێرشیانکردە سەر خاڵێکی لیوای 11ی سەر بە فیرقەی 42، لە ئەنجامدا چوار سەرباز کوژراون و ژمارەیەک سەربازی دیکەش برینداربوون".

ئەو سەرچاوە ئەمنییە ئاماژەی بەوەشکرد، "ئەو چەکدارانەی هێرشیان کردووە بۆ شوێنێکی نادیار هەڵهاتوون و لێکۆڵینەوەکان دەستیان پێکردووە".

PM:02:08:02/10/2024

ئه‌م بابه‌ته 3520 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت