پنتاگۆن رەتیدەکاتەوە بەشداری لە ئۆپەراسیۆنەکانی ئیسرائیل کردبێت
وێستگەنیوز-
جێگری وتەبێژی پنتاگۆن رایدەگەیەنێت، بەهیچ جۆرێک ئەمەریکا بەشداری لە ئۆپەراسیۆنەکانی ئیسرائیل نەکردووە.
لەمیانەی چاوپێکەوتنێکیدا سابرینا سینگ، جێگری وتەبێژی پنتاگۆن رایگەیاند، "ویلایەتە یەکگرتووەکانی ئەمەریکا بەشداری ئۆپەراسیۆنی ئیسرائیل بۆ سەر لوبنان نەبووە".
جەختیشی لەوەکردووە، "وەزارەتی بەرگریی ئەمەریکا داوای لە هاوتا ئیسرائیلییەکەی کردووە کە هاوڵاتییانی مەدەنی بپارێزن لەکاتی ئەنجامدانی ئۆپەراسیۆنەکانیان".
جێگری وتەبێژی پنتاگۆن وتیشی، "ئێمە شەڕمان لەگەڵ هیچ لایەنێک ناوێت، بەڵام وەڵامی هەر هێرشێک دەدەینەوە کە بکرێتە سەر هێزەکانمان".
AM:08:30:01/10/2024
ئه‌م بابه‌ته 316
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت