وەزیری تەندروستیی هەرێم هەواڵێکی خۆش دەداتە دەرچووانی دوو بەشی پزیشکی
وێستگەنیوز-
ئەمڕۆ دووشەممە 30ی ئەیلولی 2024، ئامێری "CTscan" و سۆنار بۆ نەخۆشخانەی رزگاری شاری هەولێر دابینکرا.
د. سامان بەرزنجی، وەزیری تەندروستیی حکومەتی هەرێمی کوردستان لە نەخۆشخانەی رزگاری هەولێر کۆنگرەیەکی رۆژنامەوانیدا رایگەیاند، "وەکو ئەزموونێکی پێشکەوتوو گۆڕانکاری لە سیستمی تەندروستی و دەستدەکرێت بە چاکسازیکردن لە ژێرخانی نەخۆشخانەی رزگاری".
ئاماژەی بەوەشکرد، "حکومەتی هەرێمی کوردستان لە کابینەی نۆیەمدا زۆر بە گرنگییەوە دەڕوانێتە خزمەتگوزارییەکانی تەندروستی".
وەزیری تەندروستی ئەوەشی خستەڕوو، "دەرچووانی کۆلیژەکانی دەرمانسازی و ددانسازی بە بڕیاری حکومەتی هەرێمی کوردستان ئێستا دەتوانن ببنە خاوەنی مۆڵەت لە کەرتی تایبەت بەو بنەمایەی کە لە کەرتی گشتی هەیانە".
AM:10:41:30/09/2024
ئه‌م بابه‌ته 556
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت