لە بەغدا تەقینەوەیەک روویدا و چوار کەس بوونە قوربانی
وێستگەنیوز-
درەنگانی شەوی رابردوو لە لە نزیک بازگەیەکى ناوچەى سەلامیات لە رۆژئاواى بەغدا بۆمبێک تەقیوە و دوو کەس گیانیان لەدەستدا و دوو کەسی دیکەش برینداربوون.
فەرماندەیی ئۆپەراسیۆنەکانى بەغدا رایگەیاند، "بۆمبەکە لە ناو زەرفێکى دلیڤەرى دانراوە کە لە رێگەى ماتۆڕێکى جۆرى توکتوک گوێزراوەتەوە و ئەو کەسەى دلیڤەرییەکەى بۆ نێردراوە لە نزیک بازگەکە چاوەڕێی کردووە و لەکاتى وەرگرتنیدا بۆمبەکە تەقیوەتەوە، بەهۆیەوە ماتۆڕسوارەکە کوژراوە و ئەو کەسەش بریندار بووە کە دلیڤەرییەکەى بۆ چووە، هەروەها سەربازێکى سوپا کوژراوە و ئەندامێکى ئەنجومەنى رابوونیش بریندار بووە".
ئاماژە بەوەکراوە، "لێکۆڵینەوە لە رووداوى تەقینەوەکە دەستیپێکردووە و لیژنە ئەمنییەکان لە هەوڵى دۆزینەوەى تۆمەتباری رووداوەکەن".
AM:08:33:10/09/2024
ئه‌م بابه‌ته 1656
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت