بڕیاره‌ مووچه‌ی خانه‌نشینان به‌ هاوتاكراوی دابه‌ش بكرێت

وێستگه‌نیوز-
به‌ڕێوه‌به‌ری گه‌نجینه‌ی دووی سلێمانی ئاشكرایكرد كه‌ بڕیاره‌ مووچه‌ی مانگی ته‌مموزی خانه‌نشینانی‌ هه‌رێمی‌ كوردستان به‌ هاوتاكراوی له‌گه‌ڵ عێراق دابه‌شبكرێت.

وه‌ك وته‌بێژی‌ یه‌كێتیی خانه‌نشینان باسی‌ ده‌كات، جگە لە پلە باڵا و تایبەتەکان، بەرزترین مووچەی خانەنشینی لە هەرێم 918 هەزار دینارە و بە جێبەجێکردنی یاساکە بەگوێرەی بڕوانامە گۆڕانکاری بەسەردا دێت و مووچەیان لانیکەم دەبێتە ملیۆنێک و 500 هەزار دینار و بەشێکیشیان دەبێتە ملیۆنێک و 800 هەزار دینار.

ئه‌مه‌ش له‌ كاتێكدایه‌ كه‌ له‌گه‌ڵ‌ ئه‌وه‌ی‌ ئه‌مڕۆ 31ی‌ ئابه‌، به‌ڵام تا ئێستا مووچه‌خۆران و خانه‌نشینانی‌ هه‌رێم نه‌ك مووچه‌ی‌ ئه‌م مانگه‌، به‌ڵكو مووچه‌ی‌ مانگی‌ رابردووشیان وه‌رنه‌گرتووه‌ و هیچ واده‌یه‌كیش بۆ دابه‌شكردنیان دیار نییه‌.

PM:02:27:31/08/2024

ئه‌م بابه‌ته 3404 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت