بە کوشتنی 42 ژن تاوانبارە و هەموو کینیاش بەدوایدا وێڵن

وێستگەنیوز-

وڵاتی کینیا گەورەترین هەڵمەتی بەدواداگەڕان و دۆزینەوەی بۆ پیاوێک دەستپێکردووە، کە بە کوشتنی 42 ژن تاوانبارە.

بەپێی هەواڵێکی پێگەی (ئەلعەرەبیە)، لە ئێستادا وڵاتی کینیا بەدوای پیاوێکدا دەگەڕێت کە لە زیندان هەڵهاتووە، و بە کەسێکی خوێنمژ و دەروونشێواو ناودەبرێت، چونکە تاوانبارە بە کوشتن و پارچە پارچە کردنی ژنان.

پۆلیسی وڵاتەکە ڕایگەیاندووە، (کۆلینس جۆمیسی) کە ناوی تاوانبارە 33 ساڵەکەیە، لە ساڵی 2022وە و لەماوەی 2 ساڵدا تاوانی کوشتنەکانی ئەنجامداوە، بەپێی دانپێدانانەکانیشی یەکەم ژن کە دەستی چووبێتە خوێنی ژنەکەی خۆی بووە لە شاری نایرۆبی، و تەرمی قوربانییەکانیش لەدووری تەنها 100 مەتر لە بارەگای سەرەکی پۆلیسی وڵاتەکەوە شاردبۆوە.

ئەم تاوانبارە لە ناوچەیەکی وڵاتی کینیا دەستبەسەر بووە و زیندانەکەشی نزیک بووە لە بارەگای ویلایەتە یەکگرتووەکان و چەند کونسوڵخانەیەک، بەڵام سەرەڕای تووندی ڕێکارەکانی ناو زیندانەکە و ئارامی ناوچەکە توانیویەتی لەگەڵ 12 تاوانباری تردا هەڵبێت، و لە ئێستاشدا پۆلیسی وڵاتەکە بەچیڕی سەرقاڵی گەڕان و دۆزینەوەی (خوێنڕێژی ژنان)ی کینیایە.

AM:11:52:21/08/2024

ئه‌م بابه‌ته 6608 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت