پێنجشه‌ممه له پارێزگایه‌كی تر كرایه پشوو
وێستگه‌نیوز-
هاوشێوه‌ی شاری به‌سره، پارێزگای دیوانیه-ش به‌هۆی به‌رزبوونه‌وه‌ی پله‌كانی گه‌رماوه، رۆژی پێنجشه‌ممه‌ی داهاتووی كرده پشوو.
ئه‌مڕۆ سێشه‌ممه 9ی ته‌مموزی 2024، پارێزگای دیوانییه له به‌یاننامه‌یه‌كدا رایگه‌یاند كه به پشتبه‌ستن به رێنماییه‌كانی محه‌مه‌د شیاع سودانی سه‌رۆك وه‌زیرانی عێراق و به‌گوێره‌ی پێشبینییه‌كانی به‌رزبوونه‌وه‌ی پله‌كانی گه‌رما، عه‌باس شعیل زاملی پارێزگای دیوانییه بڕیاری دا رۆژی پێنجشه‌ممه له داموده‌زگاكانی حكوومه‌ت پشوو بێت.
چه‌ند رۆژێك له‌مه‌وبه‌ریش پارێزگای به‌سره به‌هه‌مانشێوه رۆژی پێنجشه‌ممه‌ی كرده پشوو و رایگه‌یاند كه به‌هۆی به‌رزبوونه‌وه‌ی پله‌كانی گه‌رماوه كه پێشبینی ده‌كرێ بگاته 50 پله‌ی سیلیزی له داموده‌زگاكان ده‌كرێته پشوو.
PM:09:14:09/07/2024
ئه‌م بابه‌ته 1140
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت