له‌به‌رده‌م كافتریایه‌كی‌ سلێمانی‌ ته‌رمێك دۆزرایه‌وه‌


وێستگه‌نیوز-
وته‌بێژی پۆلیسی سلێمانی دۆزینه‌وه‌ی‌ ته‌رمێكی‌ له‌به‌رده‌م كافتریایه‌ك راگه‌یاند و ئاماژه‌ی‌ به‌وه‌دا كه‌ پێده‌چێت جه‌ڵته‌ لێیدابێت.


ئه‌مڕۆ شه‌ممه‌ 20ی‌ نیسانی‌ 2024، رائید سه‌ركه‌وت ئه‌حمه‌د وته‌بێژی پۆلیسی سلێمانی له‌لێدوانێكدا وتی‌: "له‌به‌رده‌م یه‌كێك له‌ كافتریاكانی سلێمانی، ته‌رمی هاوڵاتییه‌ك دۆزراوه‌ته‌وه‌ كه‌ خه‌ڵكی ناوه‌ڕاست و خوارووی عێراقه‌".

وتیشی‌: "هیچ ئاسه‌وارێكی لێدان و ئه‌شكه‌نجه‌دان به‌ ته‌رمه‌كه‌وه‌ نییه‌ و پێده‌چێت جه‌ڵته‌ لێیدابێت".

وته‌بێژی پۆلیسی سلێمانی روونیشیكرده‌وه‌ كه‌ "له‌ ئێستادا هێزه‌كانی پۆلیس سه‌رقاڵی لێكۆڵینه‌وه‌ له‌ ڕووداوه‌كه‌ن".

به‌گوێره‌ی‌ زانیارییه‌كانی‌ وێستگه‌، هاوڵاتییه‌كه‌ ناوی (سه‌لام سه‌لمان)ه‌ و ته‌مه‌نی 45 ساڵه‌ و ته‌رمه‌كه‌ی‌ له‌ به‌رده‌م كافتریای چیای گارا دۆزراوه‌ته‌وه‌.


AM:11:21:20/04/2024


ئه‌م بابه‌ته 3112 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت