دوو رێگای سه‌ره‌كی كه هه‌ولێر به سلێمانی و ئیداره‌ی راپه‌ڕین ده‌به‌ستنه‌وه، داخران
وێستگه‌نیوز، ئه‌میر حه‌سه‌ن-
دوای چه‌ند رۆژێك له داخستنی رێگای نێوان ئیداره‌ی ڕاپه‌ڕین و پارێزگای هه‌ولێر و دهۆك، رێگای دۆڵی سماقوڵی به‌ڕووی ئۆتۆمبێلی بارهه‌ڵگردا داخرا و به‌وشێوه‌یه‌ش دوو رێگای سه‌ره‌كی كه هه‌ولێر به سلێمانی و ئیداره‌ی راپه‌ڕین ده‌به‌ستنه‌وه، داخران.
ماوه‌ی دوو ڕۆژه دانیشتوانی دۆڵی خۆشناوه‌تی ڕێگای سه‌ره‌كی نێوان ئیداره‌ی ڕاپه‌ڕین و پارێزگای هه‌ولێر و دهۆكیان داخستووه به‌هۆی خراپی رێگاكه‌یان كه ماوه‌ی دووساڵه ده‌ستكراوه به‌چاككردنی به‌شێكی ڕێگاكه كه 24 كیلۆمه‌تره، به‌ڵام به‌ته‌واونه‌كراوی به‌جێهێڵدراوه و هاوڵاتیانیش نیگه‌رانن.
ئه‌مڕۆ ئێواره‌ش رێگای دۆڵی سماقوڵی به‌ڕووی ئۆتۆمبێلی بارهه‌ڵگردا داخرا.
هاوڵاتیان نیگه‌رانن له خراپی رێگاوبانه‌كان و باس له‌وه‌ده‌كه‌ن كه ئۆتۆمبێله بارهه‌ڵگره‌كانیش به‌ته‌واوی ڕێگه‌كه‌یان تێكداوه.
PM:08:34:15/04/2024
ئه‌م بابه‌ته 1348
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت