كتێبێك به‌ یه‌ك ملیۆن و 500 هه‌زار دۆلار


وێستگه‌نیوز، AFP-
كۆپییه‌كی ناوازه‌ی كتێبی "Breakfast at Tiffanys”ی نووسه‌ری ئه‌مریكی ترومان كاپۆت كه‌ سه‌ده‌یه‌ك له‌مه‌وبه‌ر له‌دایكبووه‌ و له‌ ساڵی 1984 كۆچی دوایی كردووه‌ و به‌رگه‌كه‌ی زیاتر له‌ هه‌زار ئه‌ڵماسی له‌سه‌ره‌، به‌ بڕی یه‌ك ملیۆن و نیو دۆلار خرایه‌ڕوو بۆ فرۆشتن.

به‌رگی كتێبه‌كه‌ له‌ چه‌رم دروستكراوه‌ و به‌ 1035 ئه‌ڵماس و یه‌ك یاقوت داپۆشراوه‌ و تاكه‌ كۆپی كتێبی "Breakfast at Tiffanys” (1958)ه‌ كه‌ واژۆی كاپۆت-ی له‌سه‌ره‌.

ئه‌و كتێبه‌ كه‌ كاركردن له‌سه‌ر به‌رگه‌كه‌ی له‌گه‌ڵ كۆمپانیای "Bentley & Skinner”ی به‌ریتانی تایبه‌تمه‌ند به‌ زه‌ڕه‌نگه‌ری سێ ساڵی خایاند، تایبه‌ت كرابوو بۆ كۆمپانیای "Lux Mantis” كه‌ كۆمپانیایه‌كی ئه‌مریكی تایبه‌ته‌ به‌ فرۆشتنی كتێبی ده‌گمه‌ن و گرانبه‌ها و تا رۆژی‌ یه‌كشه‌ممه‌ له‌ناو قه‌فه‌سێكدا له‌ پێشانگای نێوده‌وڵه‌تی كتێبی ده‌گمه‌ن و گرانبه‌ها له‌ نیویۆرك خراوه‌ته‌ڕوو.

كتێبه‌كه‌ به‌ نرخی یه‌ك ملیۆن و 500 هه‌زار دۆلار خراوه‌ته‌ڕوو و زیادكردنی‌ له‌سه‌ر ناكرێت و هیچ مامه‌ڵه‌یه‌كیش سه‌باره‌ت به‌م نرخه‌ ناكرێت.

ئه‌ڵماسه‌كان له‌سه‌ر به‌رگه‌كه‌ به‌ شێوه‌یه‌ك دانراون كه‌ وه‌ك به‌شێك له‌ نه‌خشه‌ی مانهاتن ده‌ربكه‌ون.

یاقوته‌كه‌ش، له‌سه‌ر به‌رگه‌كه‌ی له‌ گۆشه‌ی شه‌قامی پێنجه‌م و شه‌قامی 57 دانراوه‌، كه‌ دوكانی زه‌ڕه‌نگه‌ری به‌ناوبانگی تیفانی لێیه‌، كه‌ له‌ مانگی نیسانی 2023دا كرایه‌وه‌.


PM:01:44:06/04/2024












ئه‌م بابه‌ته 2136 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو