مه‌سرور بارزانی گه‌یشته‌ دوبه‌ی


وێستگه‌نیوز-
سه‌رۆك وه‌زیرانی‌ هه‌رێمی‌ كوردستان گه‌یشته‌ شاری‌ دوبه‌ی‌ و له‌لایه‌ن وه‌زیری ده‌وڵه‌ت له‌ وه‌زاره‌تی ده‌ره‌وه‌ی ئیمارات پێشوازی‌ لێكرا.


به‌گوێره‌ی‌ راگه‌یه‌ندراوێكی‌ نووسینگه‌كه‌ی‌، ئه‌مڕۆ یه‌كشه‌ممه‌ 11ی‌ شوباتی‌ 2024، مه‌سرور بارزانی‌ سه‌رۆك وه‌زیرانی‌ هه‌رێمی‌ كوردستان گه‌یشته‌ شاری‌ دوبه‌ی و له‌لایه‌ن خه‌لیفه‌ شاهین ئه‌لمه‌ره‌ر وه‌زیری ده‌وڵه‌ت له‌ وه‌زاره‌تی ده‌ره‌وه‌ی ئیمارات پێشوازی لێكرا.

سه‌رۆكی حكومه‌ت به‌ بانگهێشتی تایبه‌تیی شێخ محه‌مه‌د بن ڕاشد ئال مه‌كتووم جێگری سه‌رۆك ده‌وڵه‌تی ئیمارات و سه‌رۆكی ئه‌نجومه‌نی وه‌زیران و حاكمی میرنشینی دوبه‌ی به‌شداری له‌ لوتكه‌ی جیهانیی حكومه‌ته‌كان ده‌كات كه‌ له‌ ڕۆژانی  12-14 /2 له‌ شاری دوبه‌ی به‌ڕێوه‌ده‌چێت.

بڕیاریشه‌ مه‌سرور بارزانی‌ به‌ ئاماده‌بوونی ژماره‌یه‌ك له‌ سه‌رۆك و سه‌رۆك وه‌زیران و به‌رپرسانی باڵای جیهان وتارێك پێشكه‌ش بكات.


PM:09:47:11/02/2024










ئه‌م بابه‌ته 568 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو