لە رووداوێکی سه‌ختی هاتوچۆدا 13 کەس گیانیان لەدەستدا
وێستگه‌نیوزـ
بەپێی زانیارییەکان، ئه‌مڕۆ له‌سه‌ر رێگه‌ی نێوان سه‌فوان-ئوم قه‌سر لە پارێزگای بەسرە رووداوێکی هاتوچۆ له‌نێوان ئۆتۆمبێلێكی بارهه‌ڵگر و مینی پاسێك روویداوه و بووەتە هۆی گیانلەدەستدانی 13 کەس.
هەر بە پێی زانیارییەکان، ئۆتۆمبێلی بارهه‌ڵگره‌كه كۆنتڕۆڵی له‌ده‌ستداوه و خۆی كێشاوه به مینی پاسه‌كه‌دا و له‌ئه‌نجامیشدا سه‌رجه‌م سه‌رنشینه‌كان گیانیان له‌ده‌ستداوه.
ئه‌و كه‌سانه‌ی لە رووداوەکەدا گیانیان لەدەستداوە 10 كه‌سیان پیشه‌یان مامۆستایه و هه‌روه‌ها سێ كه‌سیشیان منداڵن له‌گه‌ڵ شۆفێری مینی پاسه‌كه‌دا پێكه‌وه له‌كاتی رووداوه‌كه‌دا گیانیان له‌ده‌ستداوه.
لە ئێستادا ته‌رمی قوربانیه‌كان ره‌وانه‌ی پزیشكی دادی به‌سره كراون و هێزە ئەمنییەکانیش لێکۆڵینەوەیان لە رووداوەکە دەستپێکردووە.
AM:10:17:21/11/2023
ئه‌م بابه‌ته 2632
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت