ئازاد محه‌مه‌د ئه‌مین: ئومێد ده‌كه‌ین ده‌ستی سیخوڕی ناوخۆیی له‌ هێرشه‌كه‌ی‌ فڕۆكه‌خانه‌ی‌ عه‌ربه‌ت نه‌بێت


وێستگه‌نیوز-
سه‌رۆكی‌ ئه‌نجومه‌نی‌ پارێزگای‌ سلێمانی‌ رایگه‌یاند كه‌ تێكدانی‌ ئارامی‌ شار قابیلی‌ قبوڵكردن نییه‌، هیواشی‌ خواست ده‌ستی سیخوڕی ناوخۆیی له‌ هێرشه‌كه‌ی‌ سه‌رۆ فڕۆكه‌خانه‌ی‌ عه‌ربه‌تدا نه‌بێت كه‌ ژماره‌یه‌ك شه‌هید و برینداری‌ لێكه‌وته‌وه‌.


ئه‌مڕۆ سێشه‌مه‌ 19ی‌ ئه‌یلولی‌ 2023، ئازاد محه‌مه‌د ئه‌مین سه‌رۆكی‌ ئه‌نجومه‌نی‌ پارێزگای‌ سلێمانی‌ به‌شداری له‌ ڕێوڕه‌سمی‌ به‌خاكسپاردنی‌ یه‌كێك له‌ شه‌هیده‌كانی‌ رووداوی‌ هێرشكردنه‌سه‌ر فڕۆكه‌خانه‌ی‌ عه‌ربه‌تی‌ كرد و هاوخه‌می‌ پێ راگه‌یاندن.

دواتر ئازاد محه‌مه‌د ئه‌مین سه‌رۆكی‌ ئه‌نجومه‌نی‌ پارێزگای‌ سلێمانی‌ له‌لێدوانێكدا بۆ رۆژنامه‌نووسان، وتی‌: "سلێمانی به‌شێوه‌یه‌كی گشتی سنورێكی ئارامه‌ و ئاشتی باڵی به‌سه‌ریدا كێشاوه‌، بۆیه‌ تێكدانی ئه‌م ئارامی و ئاساییشه‌ قابیلی‌ قبوڵكردن نییه‌".

وتیشی‌: "ئه‌و كاره‌تیرۆرستیه‌ نامرۆڤانه‌ی كه‌ كرایه‌ سه‌ر فڕۆكه‌خانه‌ی مه‌ده‌نی عه‌ربه‌ت ناده‌ستوری و ناقانونی و سنووربه‌زاندنه‌".

سه‌رۆكی‌ ئه‌نجومه‌نی‌ پارێزگای‌ سلێمانی‌ ئومێده‌واره‌ كه‌ "ده‌ستی سیخوڕی ناوخۆیی له‌م كاره‌ تیرۆریستی و نامرۆڤانه‌یه‌دا نه‌بێت".

راشیگه‌یاند كه‌ "تۆڵه‌سه‌ندنه‌وه‌ی ئه‌و شه‌هیدانه‌ له‌ ئه‌ستۆی یه‌كێتی نیشتمانی كوردستانه‌".

پاشنیوه‌ڕۆی رۆژی دووشه‌ممه‌ 18ی ئه‌یلولی 2023 فڕۆكه‌ی بێفڕۆكه‌وان فڕۆكه‌خانه‌ی كشتوكاڵی عه‌ربه‌تی كرده‌ ئامانج و به‌هۆیه‌وه‌ سێ پێشمه‌رگه‌ی دژه‌تیرۆری كوردستان (CTG) شه‌هیدبوون  و سێ پێشمه‌رگه‌ی دیكه‌ش برینداربوون.


PM:12:18:19/09/2023


ئه‌م بابه‌ته 1472 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو