جەعفەر شێخ مستەفا: بۆ هەموو لایەک ڕوونە ئامانج لە هێرشه‌كه‌ی عه‌ربه‌ت تێکدانی ئاسایش و سەقامگیری هەرێمی کوردستانە
وێستگه نیوزـ
جێگری سەرۆکی هەرێمی کوردستان رایگەیاند، ئەرکی سەرشانی لایەنە پەیوەندیدارەکانە لە حکومەتیی هەرێم و عێراقی فیدراڵ، کە شکۆ و سەروەری خاک و نیشتیمان بپارێزن و ڕێگربن لە دووبارەبوونەوەی ئەم هێرشە تیرۆریستیانەدا.
لە راگەیەندراوێکدا جەعفەر شێخ مستەفا، جێگری سەرۆکی هەرێمی کوردستان ئاماژەی بەوەکرد:" بە توندی و بەوپەڕی نیگەرانییەوە ئیدانەی ئەو هێرشە تیرۆریستییەی سەر فرۆکەخانەی کشتوکاڵیی عەربەت لە پارێزگای سلێمانی دەکەم، کە بە داخەوە لەم کردە تیرۆریستیەدا شەش پێشمەرگە لە هێزەکانی دژەتیرۆری کوردستاندا شەهید و بریندار بوون ".
" بۆ هەموو لایەکمان ڕوونە کە ئامانج لەو کردەوە پڕ لە شەرمەزاری و ترسنۆکانەدا تێکدانی ئاسایش و سەقامگیری هەرێمی کوردستانە ". جێگری سەرۆکی هەرێم وای وتوه.
ده‌شڵێت:" ئەرکی سەرشانی لایەنە پەیوەندیدارەکانە لە حکومەتیی هەرێم و عێراقی فیدراڵ، کە شکۆ و سەروەری خاک و نیشتیمان بپارێزن و ڕێگربن لە دووبارەبوونەوەی ئەم هێرشە تیرۆریستیانەدا، بۆ ئەوەی چیتر ناوچەکەمان نەبێت بە قوربانی ململانێ ناوچەییەکان و کێشە نێودەوڵەتییەکان ".
PM:09:44:18/09/2023
ئه‌م بابه‌ته 1412
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت