عه‌لی باپیر: هه‌ندێك لایه‌ن له‌ كه‌وڵی خۆیان ده‌رچوون و خۆیان له‌ خه‌ڵكی تر به‌ زیاد ده‌زانن


وێستگه‌نیوزـ

ئه‌مڕۆ دووشه‌ممه‌ 5ی حوزه‌یرانی 2023، شاندێكی یه‌كێتی نیشتمانی كوردستان سه‌ردانی كۆمه‌ڵی دادگه‌ریان له‌ شاری هه‌ولێر كرد و له‌دوای ته‌واوبونی كۆبوونه‌وه‌كه‌، عه‌لی باپیر ئه‌میری كۆمه‌ڵی دادگه‌ری رایگه‌یاند، له‌ رابردوودا كورد شتێكی بۆ كرابێت به‌ ته‌بایی و پێكه‌وه‌یی بۆی كراوه‌.


عه‌لی باپیر له‌ كۆنگره‌ رۆژنامه‌وانییه‌كه‌دا كه‌ له‌گه‌ڵ سه‌عدی ئه‌حمه‌د پیره‌، ئه‌ندامی مه‌كته‌بی سیاسی یه‌كێتی نیشتمانی كوردستان سازی كرد راشیگه‌یاند، "هه‌ر زیانێكیشمان به‌ركه‌وتبێت به‌هۆی په‌رته‌وازه‌یی و ناڕێكی به‌رمان كه‌وتووه‌".

وتیشی: "بناغه‌ی ته‌بایی بریتییه‌ له‌ دادگه‌ری، كه‌س خۆی له‌وی دیكه‌ به‌ زیاد نه‌زانێت، رێز له‌ یه‌كتری بگرین كه‌ به‌داخه‌وه‌ ئه‌و رووحیه‌ته‌ ئێستا زۆر بێ هێز بووه‌".

باسی له‌وه‌شكرد: هه‌ندێك لایه‌ن له‌ كه‌وڵی خۆیان ده‌رچوون و خۆیان له‌ خه‌ڵكی تر به‌ زیاد ده‌زانن.


PM:12:30:05/06/2023


ئه‌م بابه‌ته 3116 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت