به‌ڕێوه‌به‌ری كه‌شناسی كۆی گشتی بارانبارینی له‌ سلێمانی ئاشكرا كرد

وێستگه‌نیوزـ

به‌ڕێوه‌به‌ری فه‌رمانگه‌ی كه‌شناسی و بوومه‌له‌رزه‌زانی سلێمانی رایگه‌یاند، له‌ ماوه‌ی 24 كاتژمێری رابردوودا له‌ سلێمانی 21 ملیمه‌تر بارانباریوه‌ و ئه‌مڕۆش ئه‌گه‌ری نمه‌باران هه‌یه‌.

ئاسۆ كه‌مال، به‌ڕێوه‌به‌ری فه‌رمانگه‌ی كه‌شناسی سلێمانی به‌ وێستگه‌نیوزی راگه‌یاند: له‌ ماوه‌ی 24 كاتژمێری رابردوودا له‌ سه‌نته‌ری شاری سلێمانی 21 ملیمه‌تر بارانباریوه‌ و كۆی گشتی گه‌یاندووه‌ته‌ 517 ملیمه‌تر كه‌ پارساڵ له‌م كاته‌دا 367 ملیمه‌تر باران باریبوو.

باسی له‌وه‌شكرد: بۆ ئه‌مڕۆ هه‌ینی ئه‌گه‌ری نمه‌باران هه‌یه‌ به‌تایبه‌تی له‌ناوچه‌ شاخاوییه‌كان، به‌ڵام بۆ سبه‌ینێ شه‌ممه‌ 18ی ئازاری 2023، تا راده‌یه‌ك كه‌شوهه‌وا سه‌قامگیر ده‌بێت.

روونیشیكرده‌وه‌: له‌ رۆژانی داهاتوو جارێكی تر كه‌شوهه‌وا ناسه‌قه‌مگیر ده‌بێته‌وه‌ و بارانبارین ده‌ستپێده‌كاته‌وه‌.

PM:12:18:17/03/2023

ئه‌م بابه‌ته 5908 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت