ئاژانسی وزەی ئەتۆم جارێکی دیکە هۆشداری دەدات

وێستگەنیوز-

راڤاییل گرۆسی بەڕێوەبەری گشتی ئاژانسی نێودەوڵەتی وزەی ئەتۆم هۆشداری دایە ڕووسیا و ئۆكرانیا لە پێناو خۆلادان لە كارەساتی ئەتۆمی.

ئەمڕۆ راڤاییل گرۆسی لە پێش كۆنگرەی گشتی ئاژانسەكە، ڕایگەیاند، دەبێت ڕاوێژ لەگەڵ مۆسكۆ و كیێڤ بكرێت لە پێناو سەقامگیری زیاتری وێستگەی ئەتۆمی زاپۆریژیا.

وتیشی، ئاژانسی نێودەوڵەتی وزەی ئەتۆم هەرچی بۆی بكرێـت دەیكات لەپێناو ڕاگیران و خۆلادان لە مەترسی كارەساتی ئەتۆمی لە ئۆكرانیا.

ڕاشیگەیاند لە ئەم مانگەدا سەردانی كۆمەڵگەی زاپۆریژیای كردووە و چەند جارێك هۆشداری داوە لە مەترسی ڕەوشەكە، بەتایبەت لە بەردەوامی بۆردوومان لەنێوان ڕووسیا و ئۆكرانیادا.

وێستگەی ئەتۆمی زاپۆریژیا، كە بە گەورەترین دامەزراوەی ئەتۆمی دادەندرێت لەئەوروپا لەدوای دەستپێکردنی جەنگی و ڕوسیا و ئۆکرانیا بەردەوام هەڕەشەی لەسەرەو هەردوو وڵاتیش یەکتر بە بۆردومانکردنی وێستگەکە تۆمەتبار دەکەن.

PM:05:55:26/09/2022

ئه‌م بابه‌ته 644 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت