کەشناسی: پلەکانی گەرما دادەبەزن و خۆڵبارین دەستپێدەکاتەوە
وێستگەنیوز_
دەستەی کەشناسی عێراق رایگەیاند، لە سبەی یەکشەممەوە پلەکانی گەرما دادەبەزن و پێشبینی هاتنی شەپۆلێکی خۆڵبارین دەکەن.
ئەمرۆ شەممە 6ـی 8ـی 2022، دەستەی کەشناسی عێراق رایگەیاند، لە ماوەی چەند رۆژی داهاتوودا پێشبینی نزمبوونەوەی پلەکانی گەرما و هاتنی شەپۆلێکی خۆڵبارین دەکرێت.
ئەوەی خستەروو، لە سبەی یەکشەممە لە ناوچەکانی هەرێم ئاسمان ساماڵ دەبێت و پلەکانی گەرما بەراورد بە رۆژی پێشوو نزمتر دەبێت، لە ناوچەکانی باشور و ناوەڕاستی عێراق ئاسمان ساماڵ دەبێت و کەشوهەوا گەرم دەبێت و پلەکانی گەرما هاوشێوەی رۆژی پێشوو دەبێت.
ئاماژەی بەوەشدا، رۆژی دووشەممە ئاسمانی ناوچەکانی هەرێم و ناوەڕاستی عێراق ساماڵ دەبێت و پێشبینی ئەوەش دەکرێت پلەکانی گەرما نزم ببێتەوە، لە کاتێکدا لە ناوچەکانی باشووری عێراق کەشوهەوا گەرم دەبێت و ئاسمان ساماڵ دەبێت.
PM:01:51:06/08/2022
ئه‌م بابه‌ته 1312
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت