هه‌ولێر.. 16 به‌نزینخانه‌ به‌هۆی فرۆشتنی به‌نزینی خراپ سزادران


وێستگه‌نیوزـ

راگه‌یاندنی پارێزگای هه‌ولێر داخستنی 16 به‌نزینخانه‌ی تری به‌هۆی فرۆشتنی به‌نزینی خراپ و ده‌ستكاریكردنی كوالێتییه‌كه‌ی داخستن.


له‌ راگه‌یه‌ندراوێكی پارێزگای هه‌ولێردا هاتووه‌: له‌به‌رامبه‌ر دەستکاریکردنی‌ كوالێتی به‌نزین و بەهۆی خراپی ئەو بەنزینەی دەیفرۆشن بەهاووڵاتیان، 16 بەنزینخانەی تر لە هەولێر و دەوروبەری‌ لەلایەن لیژنەی‌ پشکنین و چاودێریکردنی‌ بەنزینخانەکانی‌ سەر بە بەڕێوەبەرایەتی‌ نەوت و کانزاکانی‌ هەولێر سزادراون و رێکاری‌ یاسایی لەبەرامبەر خاوەنەکانیان گیراوەتەبەر.

باس له‌وه‌شكراوه‌: لەسەر فەرمان و راسپاردەی‌ پارێزگاری‌ هەولێر، تیمەکانی‌ لیژنەی‌ پشکنین و چاودێریکردنی‌ بەنزینخانەکان ڕاسپێردراون، جگە لەتوندکردنی‌ رێکارەکان بەرامبەر سەرپێچی‌ کاران، لیژنەی‌ پشکنین و چاودێریکردنی‌ بەنزینخانەکان، پشکنینی‌ بەنزینخانەکان چڕتربکەنەوە بەرامبەر ئەو بەنزینخانەی‌ کە دەستکاریکردنی‌ كوالێتیی‌ دەکەن و بەنزینی خراپ بەهاوڵاتییان بەهاوڵاتییان دەفرۆشن.

لەسەرەتای مانگی‌ حوزه‌یرانی‌ ئەمساڵه‌وه‌ تا ئەمڕۆ پێنجشه‌ممه‌ 4ی ئابی 2022،  کۆی گشتیی ئەو بەنزینخانەی کە سزادراون 188 بەنزینخانەن، لەو ژمارەیەشدا (هه‌شت بەنزینخانە بەهۆی دووبارەکردنەوەی سەرپێچی و دەستکاریکردنی‌ كوالێتیی‌ و فرۆشتنی بەنزینی خراپ بەهاوڵاتییان، ناوەکانیان بڵاو دەکەینەوە.

ناوی بەنزینخانەکان:-

یەکەم/ وێستگەی‌ هامان1

دووەم/ وێستگەی‌ باواجی‌

سێیەم/ کۆک

چوارەم/ وێستگەی‌ کوردستان/ 100 مەتری‌

پێنجەم/  وێستگەی‌ دونیا/ حدید و خەشەب

شەشەم/ وێستگەی‌ فیراری‌

حەوتەم/ وێستگەی‌ باز

هەشتەم/ وێستگەی‌ رزگاری‌.

دواجار باسی له‌وه‌شكردووه‌: "دڵنییای‌ هاوڵاتییان و هاوشاریانی‌ خۆشەویستی‌ شارەکەمان دەکەینەوە، بەردەوامین لەگرتنە بەری ڕێکاری یاسایی پێویست بەرامبەر هەر کەس و خاوەن بەنزینخانانەیەک کە بەنزینی‌ خراپ بفرۆشێتە هاوڵاتییان و دەستکاری کوالێتی بەنزین بکات، داواش لەهاووڵاتیان دەکەین هاوکارمان بن و لەکاتی تێبینیکردنی هەر جۆرە سەرپێچیەک، لەزووترین کات ئاگاداری‌ قائیمقامیەتی‌ ناوەندی‌ هەولێر بکەنەوە".


PM:03:43:04/08/2022


ئه‌م بابه‌ته 1380 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو