خۆڵبارین بۆ سبهینێ لهم ناوچانه بهردهوام دهبێت
فۆتۆ: ئەرشیڤ
وێستگهنیوزـ
دەستەی کەشناسی و بومەلەرزەزانی عێراق رایگەیاند، سبەینێ ئەگەری هەیە لە سنوری پارێزگاکانی کەرکوک و سەڵاحەدین و نەینەوا و سامەرا و بەشێک لە پارێزگاکانی ئەنبار و دیالە شەپۆلێکی خۆڵبارین رووی تێبکات.
ئەمڕۆ سێشەممە 24ی ئایاری 2022، دەستەی کەشناسی و بومەلەرزەزانی عیراق راگەیەنراوێکی بڵاوکردەوە و تیایدا هاتووە، سبەینێ چوارشەممە ئاسمانی ناوچەکانی ناوەڕاستی عیراق ساماڵ دەبێت و بەشی باکوری ناوچەکەش تۆز لە هەوادا دەبێت.
ئاماژەی بەوەشداوە، سبەینێ ئەگەری هەیە لە سنووری پارێزگاکانی کەرکوک و سەڵاحەدین و نەینەوا و سامەرا و بەشێک لە پارێزگاکانی ئەنبار و دیالە شەپۆلێکی خۆڵبارین رووی تێبکات.
دەشڵێت، ئاسمانی هەرێم ساماڵ دەبێت و تۆزێکی کەم لەهەوادا دەبێت. پلەکانی گەرماش کەمێک بەرزدەبنەوە.
راگەیەنراوەکە ئاماژەی بەوەشداوە، رۆژی پێنجشەممە ئاسمانی هەرێم ساماڵ دەبێت و لەچەند ناوچەیەکی جیاجیا تۆزی دەبێت و ئەگەری دروستبوونی خۆڵبارینی هەیە و پلەکانی گەرماش کەمێک بەرزدەبنەوە.
لەبارەی پێشبینییەکانی کەشوهەوای رۆژی هەینییەوە راگەیەنراوەکەی کەشناسی عیراق باسی لەوەشکردووە، ئاسمانی هەرێم ساماڵ دەبێت و پلەکانی گەرماش کەمێکی دیکە بەرزدەبنەوە.
هاوکات، بەڕێوەبەرایەتی گشتی کەشناسی هەرێم راگەیەنراوێکی بڵاوکردەوە و تیایدا هاتووە، ئەمڕۆ ئاسمانی هەرێم تۆز و خۆڵ دەبێت لە کاتەکانی ئێوارەدا ئاستی خۆڵبارین کەمتر دەبێت.
دەشڵێت، ئاسمانی پارێزگای دهۆک ساماڵ دەبێت لەگەڵ درووسبونی تۆز و خۆڵ لە کاتەکانی ئێوارەدا دەگۆرێت بۆ نیمچە هەور کاریگەری خۆلبارین کەم دەبێتەوە.
ئەوەشی خستووەتەڕوو، سبەینێ ئاسمانی هەرێم ساماڵ و تۆز و خۆڵ دەبێت لە دوایی نیوەرۆ کاریگەری خۆڵبارین کەم دەبێتەوە.
AM:11:43:24/05/2022
ئهم بابهته 7096
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت