کارگەی بەرهەمهێنانی ئۆکسجین لە پارێزگای هەڵەبجە کرایەوە
فۆتۆ: بەڕێوەبەرایەتی گشتی تەندروستی هەڵەبجە
وێستگه نیوز ـ
بە ئامادەبوونی پارێزگاری هەڵەبجە و جێگری پارێزگار و قایمقامی هەڵەبجە و بەڕێوبەرەگشتیەکانی هەڵەبجە و ڕێکخراوی کۆچی نێودەوڵەتی Iom لە مەڕاسیمێکدا کارگەی بەرهەمهێنانی ئۆکسجین لە نەخۆشخانەی چارەسەرکردنی بریندارانی چەکی کیمیاوی کرایەوە.
بەڕێوەبەرایەتی تەندروستی هەڵەبجە بڵاویکردووەتەوە کە ئازاد مستەفا، بەڕێوهبەری گشتی تەندرووستی هەڵەبجە رایگەیاندووە: "مایەی خۆشحاڵیمانە ئەمڕۆ کە کارگەی بەرهەمهێنانی ئۆکسجین لە نەخۆشخانەی چارەسەر کردنی بریندارانی چەکی کیمیاوی دەکرێتەوە، کە لەسەر داوای ئێمە بۆ ئاژانسی نەتەوەیەگرتوەکان بۆ کۆچ دابینکراوە و لە رابردووشدا لە ئامێری هەناسەدان بۆ نەخۆشخانەی وەفا و سەنتەری دڵ هاوکارو پشتیوانمان بوون".
وتیشی: "دەخوازین سەرجەم ئاژانس و رێکخراوەکانی دیکەش بەدەم نەخۆشخانەکەوە بێن کە ئێمە لەبەر پێویستی نەخۆشان و بریندارانی چەکی کیمیاوی پێشوەختە پێش وەرگرتن کردمانەوە و هەموو هەوڵەکانمان بۆ ئەوەیە دانەخرێت و خزمەتی بریندارانی چەکی کیماوی هەڵەبجە پارێزگاکانی دیکە بکرێت".
دواتر ئازاد تۆفیق، پارێزگاری هەڵەبجە سوپاسی رێکخراوی کۆچی نێودەوڵەتی کرد و ئاماژەی بەوەکرد لە رابردوودا هاوکارو پشتیوانیان بوون لە سێکتەرە جیاوازەکان و خەڵکی ئاوارە و خانەخوێی هەڵەبجە.
لای خۆشیەوە ئاسۆ کاکە حەمە، لێپسراوی ئۆفیسی سلێمانی iom رایگەیاند: خۆشحاڵن توانیویانە کە خزمەتێک بە هەڵەبجە بکەن، ساڵانە یەکێک لەو شوێنانە کە خزمەتی تێدا دەکەن پارێزگای هەڵەبجە و بەردەوام و دەبن لە خزمەتکردنی.
بەڕێوهبەرایەتی تهندروستی ههڵهبجه داوا لە هەموو خێرخوازان دەکات هاوکاریانبن لە دابینکردنی ئامێری بینای سەنتەری دڵ کە ئێستا لەلایەن کۆچەوە تەواو کراوە.
PM:02:12:04/08/2021
ئهم بابهته 1120
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت