لە ئێران دوو رۆژنامەوانی کچ گیانیان لەدەستدا

‌رەیحانە یاسینی و مەھشاد کەریمی

وێستگە نیوز-

بەھۆی وەرگەڕانی پاسێک لە ئێران، دوو رۆژنامەوان گیانیان لەدەستدا و 21 كەسی دیکەشیان برینداربوون.

ئەمرۆ 23ی حوزەیرانی 2021. وەزارەتی رۆشنبیری ئێران رایگەیاندووە، "ژمارەیەک رۆژنامەوان، کە بە مەبەستی سەردانیکردنی دەریاچەی ورمێ و بینینی دواین رەوشی زیندوکردنەوەی ئەو دەریاچەیە، لە تارانەوە بەرەو ورمێ بەڕێکەوتبوون و لە نزیک پیرانشار توشی رووداوی ھاتووچۆ بوون".

وەزارەتەکە ئاماژەی بەوەشکردووە، "بەھۆی وەرگەڕانی پاسەکەیانەوە دوو رۆژنامەوان گیانیان لەدەستدا و 21ی تریش برینداربوون و ھەندێکیشیان تەندروستییان ناجێگیرە".

ئەوەشی خستۆتەڕوو، "رەیحانە یاسینی و مەھشاد کەریمی لە ئاژانسەکانی ئیرنا و ئیسنا ئەو دوو رۆژنامەوان کە گیانیان لەدەستداوە".