سەرۆکوەزیرانی یۆنان: بەم نزیکانە سەردانی هەرێمی کوردستان دەکەم
دیمەنێک لە کۆبوونەوەکە
وێستگه نیوز ـ
ئەمڕۆ هەینی 11ی حوزەیرانی 2021 مەسرور بارزانی، سەرۆکی حکومەتی هەرێمی کوردستان لەگەڵ کیریاکۆس میتسۆتاکیس، سەرۆک وەزیرانی یۆنان، لە ئەسینای پایتەخت کۆبووەوە و سەرۆک وەزیرانی یۆنان رایگەیاند کە بەم نزیکانە سەردانی هەرێمی کوردستان دەکات.
به‌پێی راگه‌یه‌ندراوی نووسینگه‌ی سه‌رۆك وه‌زیرانی هه‌رێم، لە کۆبوونەوەکەدا برەودان بە پەیوەندییەکانی نێوان هەرێمی کوردستان و یۆنان و پەرەسەندنەکانی عیراق و ناوچەکە تاووتوێ کران.
ئه‌وه‌ش هاتووه: سەرۆکی حکومەتی هەرێمی کوردستان وێڕای ئاماژەدان بە پەیوەندیی دۆستانە و مێژوویی نێوان هەرێمی کوردستان و یۆنان، خواستی هەرێمی کوردستانی بۆ زیاتر پەرەپێدانی پەیوەندی دوولایەنە دووپات کردەوە، بەتایبەتی لە بواری وەبەرهێنان و ئاڵوگۆڕی بازرگانیدا، هیواشی خواست کە لە ئایندەیەکی نزیکدا سەرۆك وەزیرانی یۆنان لە هەرێمی کوردستان ببینێت.
باس له‌وه‌شكراوه، سەرۆك وەزیرانی یۆنان، خۆشحاڵی خۆی بە سەردانی شاندی باڵای حکومەتی هەرێمی کوردستان نیشاندا و بە سەردانێکی مێژوویی ناوبرد کە یەکەمجارە سەرۆك وەزیرانێکی هەرێمی کوردستان سەردانی یۆنان دەکات.
سەرۆك وەزیرانی یۆنان، ئامادەیی وڵاتەکەشی بۆ پەرەپێدانی پەیوەندی هەمەلایەنە لەگەڵ هەرێمی کوردستان دەربڕی و ئاماژەشی بەوەدا کە بەم نزیکانە، بە یاوەری شاندێکی باڵای حکومی و وەبەرهێنەرانی یۆنانی، سەردانی عێراق و هەرێمی کوردستان دەکات.
پەیوەندییەکانی نێوان هەرێمی کوردستان و حکومەتی فیدراڵی، پەرەسەندنەکانی ناوچەکە بەگشتی، رووبەڕووبوونەوەی مەترسی و هەڕەشەکانی تیرۆر و شەڕی داعش، چەند تەوەرێکی دیکەی کۆبوونەوەکە بوون.
PM:04:50:11/06/2021
ئه‌م بابه‌ته 3732
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت