له‌ چوار قوڕنه‌ رووداوێکی تەقەکردن روویدا كوژراو هه‌یه‌


وێستگه‌ نیوز ـ
لە چوارقوڕنە رووداوێکی تەقەکردن روویداوە و وتەبێژی پۆلیسی راپەڕینیش ئاماژە بەوە دەکات کەسێک كوژراوه‌ و تەرمەکەی هێنراوەتە نەخۆشخانە.


جۆین بە لەگەڵ هەواڵە بەپەلەکانی وێستگە نیوز لە تیلیگرام

شۆڕش ئیسماعیل، وتبێژی پۆلیسی راپەڕین بە وێستگه‌ نیوزی راگه‌یاند: رووداوێكی ته‌قه‌كردن له‌ چوارقووڕنه‌ روویداوه‌ و به‌هۆیه‌وه‌ كه‌سێك كوژراوه‌ و ته‌رمه‌كه‌ی هێنراوه‌ته‌ نه‌خۆشخانه‌ی رانییه‌ کە ئاسەواری فیشەک بە جەستیەوە دیارە.

ئه‌وه‌شی باسكرد: "لە ئێستادا مەفرەزەکان لە شوێنی رووداوەکەن و لێکۆڵینەوە لە رووداوەکە دەستیپێکردووە و بەردەوامە".

ئاستی رووداوی تەقەکردن تاڕادەیەک لە کوردستاندا بەرزە و هاوڵاتیانیش نیگەرانی ئەوەن، کە چەک لای کەسانی ئاسایی هەیە و هەندێک کەسیش بەبێ مۆڵەت چەک هەڵدەگرن، بۆ ئەو دۆخەش، حکومەت و لایەنە ئەمنییەکان بە کەمتەرخەم و بەرپرسیار دەزانن.


PM:07:52:16/04/2021


ئه‌م بابه‌ته 2296 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت