فڕۆكه‌ جه‌نگییه‌كانی توركیا بۆردومانی چه‌ند گوندێكی سه‌ر به‌ شاره‌دێی دینارته‌یان كرد

‌دیمەنێک لە بۆردومانەکە

وێستگه‌ نیوز ـ
دوای نیوەڕۆی ئەمڕۆ هەینی، لە سنووری شارۆچکەی دینارەتەی سەر بە پارێزگای دهۆک، گوندەکانی گوهانا و میمبەری لەلایەن فڕۆکەکانی تورکیاوە دوو جار بۆردومانکران.


جۆین بە لەگەڵ هەواڵە بەپەلەکانی وێستگە نیوز لە تیلیگرام

سه‌رچاوه‌یه‌كی ئاگادار به‌ وێستگه‌ نیوزی راگه‌یاند: بۆردومانەکان لە دوای نیوه‌رۆوه‌ ده‌ستیان پێكرد و ماوه‌ی نزیكه‌ی كاتژمێرێك به‌رده‌وام بوون، كه‌ تیایدا فڕۆکە جەنگییەکانی تورکیا دوو جار گوندەکانی گوهانا و میمبەرییان سەر بە شارۆچکەی دینارتەیان له‌ پارێزگای دهۆك بۆمبارانکردووە.

به‌ وته‌ی سه‌رچاوه‌كه‌، هێرشەکان هیچ زیانێکی گیانیان لێ نەکەوتووەتەوە، بەڵام ترس و نائارامی لەناو گوندنشینان و خەڵکی ناوچەکە دروست كردووه‌.

بەپێی سەرچاوەکە، شەوی رابردووش ناحیه‌ی كانی ماسێ بۆردومان كرابوو، ماوه‌ی دوو رۆژیشه‌ سووڕانه‌وه‌ی فڕۆكه‌ جه‌نگییه‌كان به‌رده‌وامه‌ له‌ هه‌ندێك ناوچه‌.

ئه‌وه‌شی خسته‌ڕوو: كه‌ سووڕانه‌وه‌ی فڕۆكه‌ی سیخووڕی توركیا به‌سه‌ر ئاسمانی قه‌زای ئامێدی به‌رده‌وامه‌.

ئەمەش لەکاتێکدایە، لە ماوەی رابردوودا، تورکیا چەندین جار و بەبیانووی بوونی بارەگاکانی پەکەکەوە ئەو ناوچانەی بۆردومان کردووە.


PM:04:59:16/04/2021


ئه‌م بابه‌ته 720 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت