نه‌بیل مه‌رسومی: یه‌كه‌م كاریگه‌ری بڕیاره‌كانی تره‌مپ له‌سه‌ر عێراق ده‌ركه‌وت
وێستگه‌نیوز-
نه‌بیل ئه‌لمه‌رسومی شاره‌زای بواری ئابووری پێیوایه كه یه‌كه‌م كاریگه‌ری بڕیاره‌كانی تره‌مپ له‌سه‌ر عێراق ده‌ركه‌وت و به‌وهۆیه‌وه دۆلار به نرخی حكومی نادرێته گه‌شتیاران.
نه‌بیل ئه‌لمه‌رسومی له تۆڕی كۆمه‌ڵایه‌تی فه‌یسبووك نووسیویه‌تی: "یه‌كه‌م ده‌ره‌نجامی پێناسه‌ی گومرگی ئه‌مریكی، راگرتنی پێدانی دۆلاره به گه‌شتیارانی عێراقی به نرخی فه‌رمی".
ئه‌و شاره‌زا ئابوورییه پێیوایه كه یه‌كێك له ده‌ره‌نجامه‌كانی بڕیاره‌كانی دۆناڵد تره‌مپ سه‌رۆكی ئه‌مریكا بۆ سه‌پاندنی پێناسه‌ی گومركی به‌سه‌ر وڵاتان و له‌نێویاندا عێراق، "دابه‌زینی نرخی نه‌وته و به‌وهۆیه‌وه داهاتی عێراق له دۆلار كه‌مده‌بێته‌وه".
ئه‌مه‌ش واده‌كات حكومه‌تی عێراق دۆلار به نرخی فه‌رمی كه 1320 دیناره بۆ هه‌ر دۆلارێك، نه‌داته گه‌شتیاران و له‌مه‌ودوا ناچار ده‌بن به نرخی بازاڕ بیكڕن كه له ئێستادا 1480 دیناره بۆ هه‌ر دۆلارێك.
PM:08:04:06/04/2025
ئه‌م بابه‌ته 812
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت