وەزارەتی دارایی: سبەی پێنجشەممە مووچە دابەش دەکرێت
وێستگەنیوز_
تەمویلی مووچەی مانگی ئادار خرایە سەر هەژماری بانکی وەزارەتی دارایی و سبەی دەست بە دابەشکردنی مووچەکە دەکرێت.
ئەمرۆ چوارشەممە، 26ـی 3ـی 2025، وەزارەتی دارایی و ئابووریی حکومەتی هەرێمی کوردستان لە ڕاگەیەنراوێکدا رایگەیاند، "کەمێک لەمەوبەر بڕی 954 ملیار و 880 ملیۆن و 467 هەزار و 779 دینار وەک تەموویلی مووچەی مانگی ئاداری مووچەخۆران و فەرمانبەران و خانەنشینانی هەرێمی کوردستان، لەلایەن وەزارەتی دارایی حکوومەتی فیدراڵەوە خرایە سەر هەژماری بانکی وەزارەتی دارایی و ئابووری هەرێمی کوردستان لە لقی هەولێری بانکی ناوەندی عێراق."
وەزارەتی دارایی و ئابووریی دەڵێت: "سبەینێ پێنجشەممە، 27-03-2025، دەست بەدابەشکردنی مووچەی مانگی ئادار دەکرێت."
هەروەها دوو تێبینیشی بڵاو کردووەتەوە:
1. ئەو مووچەخۆرانەی لە ڕێی پرۆژەی هەژماری منەوە مووچە وەردەگرن ڕاستەوخۆ پارە دەخرێتە سەر هەژمارەکانیان و لەڕێگای کورتەنامەوە ئاگادار دەکرێنەوە.
2. ئەو مووچە خۆرانەی بەشێوەی کاش مووچە وەردەگرن، دوای گواستنەوەی پارە بۆ بانکەکان لە کەمترین ماوەدا، ڕاستەوخۆ دەست بەدابەشکردنی مووچەکانیان دەکرێت.
PM:03:17:26/03/2025
ئه‌م بابه‌ته 904
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت