دۆلار دابەزینێکی گەورەی بەرامبەر دینار تۆمار کرد
وێستگەنیوز_
ئەمرۆ یەکشەممە بەهای دینار بەردەوامی بە بەرزبوونەوەکانی خۆی دا و لە ئێستادا 100 دۆلار بە 146 هەزار و 250 دینارە.
لە ئێستادا، 100 دۆلار بە 5 هەزاری بە 146 هەزار و 250 دینارە و بە 25 هەزاری بە 146 هەزار و 150 دینارە.
ماوەیەکە دۆلار نرخەکەی لە دابەزیندایە، هۆکارێکی روون بۆ بەرزبوونەوەی بەهای دینار نییە. بەپێی زانیارییەکانیش، دەوترێت لە ئێستادا "دۆلار زۆرە و کەمترین خواستی لەسەرە."
حاجی سابیر باواجی، ئەندامی ئەنجوومەنی ئاڵوگۆڕی دراو لە هەولێر رایگەیاندووە، "بانکی ناوەندی هەوڵ بۆ بەرزکردنەوەی بەهای دینار دەدات و فرۆشتنی دۆلاری لە رێگەی سەکۆی ئەلیکترۆنییەوە ئاسان کردووە، هاوکات دۆخی عێراقیش ئارامە و هۆکارە بۆ بەرزبوونەوەی بەهای دینار."
ئەمساڵ یەکەم جارە بەهای دینار بەوشێوەیە بەرزبێتەوە.
هەر ئەمڕۆ 100 دۆلار بەرامبەر 9 ملیۆن و 200 هەزار تمەنی ئێرانییە بە حەواڵە، بە نەختیش بەرامبەر 8 ملیۆن و 800 هەزار تمەنە.
یەک ملیۆن لیرەی سووری بە 162 هەزار دینارە و 3600 لیرەی تورکیش بەرامبەر 100 دۆلارە.
PM:04:16:02/03/2025
ئه‌م بابه‌ته 22584
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت