نه‌بیل مه‌رسومی: مووچه‌ی فه‌رمانبه‌رانی كوردستان له 2025دا بۆ 13.2 ترلیۆن دینار زیاد بووه
وێستگه‌نیوز-
ئه‌مڕۆ چوارشه‌ممه 29ی كانوونی دووه‌می 2025، نه‌بیل مه‌رسومی شاره‌زای بواری ئابووری عێراقی رایگه‌یاند كه له ساڵی 2025دا مووچه‌ی فه‌رمانبه‌رانی كوردستان بۆ 13.2 ترلیۆن دینار به‌رزده‌بێته‌وه.
مه‌رسومی له روونكردنه‌وه‌یه‌كدا ده‌ڵێت: "دوای ئه‌وه‌ی 30 هه‌زار فه‌رمانبه‌ر خانه‌نشینكران، به‌هۆی خه‌رجكردنی پاداشتی خانه‌نشینی كه 12 مووچه‌یه بۆ هه‌ر فه‌رمانبه‌رێك، مووچه‌ی فه‌رمانبه‌رانی كوردستان له ساڵی 2025دا بۆ 13.2 ترلیۆن دینار به‌رزبووه‌ته‌وه".
پێشبینی ده‌كرێت به‌هۆی ئه‌م زیادكردنه‌وه، قه‌یرانی مووچه له هه‌رێمی كوردستان كه یه‌كێكه له ناكۆكییه هه‌ره دیاره‌كانی نێوان به‌غدا و هه‌ولێر په‌ره بسێنێت و تا ئێستاش له‌لایه‌ن هه‌ردوو وه‌زاره‌تی دارایی هه‌ولێر و به‌غدا هیچ چاره‌سه‌رێكی بۆ نه‌دۆزراوه‌ته‌وه.
ڕۆژی دووشه‌ممه 20ی كانوونی دووه‌می 2025، ئه‌حمه‌دی حاجی ره‌شید، ئه‌ندامی پێشووی لیژنه‌ی دارایی په‌رله‌مانی عێراق له لێدوانێكدا له‌سه‌ر قه‌یرانی مووچه‌ی فه‌رمانبه‌رانی هه‌رێم رایگه‌یاند كه هیچ هیوایه‌ك بۆ چاره‌سه‌رێكی ریشه‌یی كێشه‌كه نییه.
PM:05:24:29/01/2025
ئه‌م بابه‌ته 376
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت