بیتکۆین 109 هەزار دۆلاری تێپەڕاند و ئەمرۆ نرخەکەی دابەزییەوە
وێستگەنیوز_
بەهای بیتکۆین بەرزترین ئاستی مێژووی خۆی تۆمارکرد و 109 هەزار دۆلاری تێپەڕاند، هەروەها بووەتە گەورەترین دراوی دیجیتاڵی.
بەرزبوونەوەی نرخی بیتکۆین هاوکاتە لەگەڵ بڕیاری رێکخستنی یاسا و رێساکانی ئەو بوارە لە لایەن ئیدارەی نوێی ئەمریکا بە سەرۆکایەتیی دۆناڵد ترەمپ کە خۆی وەک سەرۆکی دراوە دیجیتاڵییەکان ناوزەد کردووە.
دوای ئەوەی بیتکۆین ئاستە مێژوویەکی بەدەستهێنایەوە، ئەمڕۆ چوارشەممە نرخی یەک بیتکۆین دابەزییەوە بۆ نزیکەی 105 هەزار دۆلار.
هەرچەندە دراوە دیجیتاڵییەکان لە ئاستە بەرزەکانی خۆیان مامەڵەیان پێوە دەکرێت، بەڵام شارەزایان هۆشداری دەدەن نرخی ئەو دراوانە بە ناجێگیریی دەمێننەوە تا ئەو کاتەی ئیدارەی نوێ سیاسەتێکی روون سەبارەت بە دراوە دیجیتاڵییەکان دەگرێتەبەر.
هاوکات لەگەڵ بەرزبوونەوەی بەهای بیتکۆین بۆ ئاستە بەرزەکانی، بەهای ئیسەر، دووەم دراوی گەورەی جیهان بەڕێژەی 3.8٪ بەرزبوونەوەی بەخۆیەوە بینی و ئێستا بە 3.330 دۆلار مامەڵەی پێوە دەکرێت.
نرخی دراوە دیجیتاڵییەکەی ترەمپیش بە نزیکەی 42 دۆلار لە رۆژی چوارشەممە مامەڵەی پێوەکرا. دراوەکەی خانمی یەکەمی ئەمریکا، مێلانیا ترەمپیش ئەمڕۆ لە نزیکەی 4 دۆلار مامەڵەی پێوە دەکرێت.
AM:10:26:22/01/2025
ئه‌م بابه‌ته 132
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت